Ustaz bilim berýmen, dáriger emdeýmen aınalysýy kerek - Memleket basshysy
ASTANA. 28 qarasha. QazAqparat - Ustaz bilim berýmen, dáriger emdeýmen aınalysýy kerek.
Bul týraly búgin Aqordada barlyq deńgeıdegi ákimderdiń qatysýymen ótip jatqan keńeıtilgen májiliste Elbasy Nursultan Nazarbaev málim etti.
«Egerde ustaz jumysynyń úshten bir ýaqytyn qaǵaz toltyrýǵa jumsaıtyn bolsa, onda qandaı sapa týraly aıtýǵa bolady. Mundaı ahýal dárigerlerde de qalyptasqan»,-dedi Elbasy.
Memleket basshysynyń alǵa tartqan derekterine qaraǵanda, tek Bilim jáne ǵylym mınıstrliginiń bir departamentine ǵana óńirler esep-qısaptyń 300 túrin toltyrady eken. Al, bir oblystyń mektepteri men bala-baqshalaryn osy esep-qısap boıynsha daıyndaý úshin 100 myń qujat qajet.
«Mine, jumystaryńnyń barlyǵy osy. Qaǵaz jazyp otyrasyzdar. Jumys joq. Muǵalimder oqytýdyń ornyna qaǵaz jazady. Dárigerler emdeýdiń ornyna qaǵaz toltyrady»,-dedi.
QR Prezıdentiniń atap ótýinshe, atalǵan qujattardy daıyndaýǵa birjarym, eki aı ýaqyt ketedi.
