Ustalǵan qaıyrshynyń qaltasynan 750 myń dollar shyqty
ASTANA. QazAqparat - Shvetsııadaǵy Ýppsala qalasynyń polıtseıleri jaqynda ózgeshe qaıyrshyny qolǵa túsirdi, dep habarlaıdy The Times.
«Jolǵa jetpeı tur» degen syńaıda kóshedegi halyqtan qaıyr suraǵan onyń «tilenshilik ádisi» kúdik týdyrǵan. Eger kóshedegi adamdar suraǵanyn berýden bas tartsa, ol qala turǵyndaryna minez kórsetip qorqyta bastaǵan.
Jergilikti polıtsııa bólimshesi basshysynyń aıtýynsha, ustalǵan kúdiktini tintý barysynda onyń qoıny-qonyshynan býma-býma banknottar tógilgen. «Іshki qaltalary toly aqsha, qaıyrshynyń qaltasynan shyqqan osynshama kóp baknottarmen birinshi ret kezdesip turmyn»,-dedi ıAle Polııarevıýs.
Ustalǵan «qaıyrshynyń» qaltasynan jalpy somasy 6 mln kron (750 myń AQSh dollary) shyqty. Ol qala turǵyndarynan aqsha bopsalady degen aıyppen qamaýǵa alyndy.
