Ustalǵan ındýstrııa vıtse-mınıstri 3 jyl buryn jumystan ketip qalǵan - mınıstrlik

ASTANA. QazAqparat – Burynǵy vıtse-mınıstr Tımýr Toqtabaev Indýstrııa mınıstrliginde 2019 jyldan beri jumys istemeıdi. Bul týraly QazAqparat IIDM silteme jasap habarlaıdy.

«Tımýr Toqtabaev 2016-2019 jyldary QR Investıtsııalar jáne damý mınıstrliginde mınıstrdiń orynbasary laýazymynda jumys istegen. Keıin 2019 jylǵy 5 naýryzdan 17 jeltoqsanǵa deıin eks-sheneýnik QR Indýstrııa jáne ınfraqurylymdyq damý mınıstrliginde vıtse-mınıstr qyzmetin atqarǵan. 2019 jyldyń 17 jeltoqsanynda, ıaǵnı 3 jyl buryn T.Toqtabaev vıtse-mınıstr qyzmetinen óz erkimen ketken», - delingen mınıstrlik habarlamasynda.

Buǵan deıin paıdaly ken oryndaryn zańsyz úlestirdi degen kúdikpen burynǵy vıtse-mınıstr ustalǵan bolatyn.