Ustalǵan 2 polıtseı men máslıhat hatshysyn jaýapqa tartý oqıǵasy arasynda baılanys joq -Antıkor

NUR-SULTAN. QazAqparat – Antıkor Almaty oblysy boıynsha Jol polıtsııasynyń eki qyzmetkerin ustaǵany týraly aqparatqa túsinik berdi, dep habarlaıdy QazAqparat.

«Áleýmettik jelilerde Sybaılas jemqorlyqqa qarsy qyzmeti Almaty oblysy boıynsha Jol polıtsııasynyń eki qyzmetkerin ustaǵany týraly aqparat taratylýda. Buǵan deıin polıtsııa qyzmetkerleri máslıhat hatshysyn jaýapqa tartqany habarlanǵan bolatyn. Antıkorrýptsııalyq qyzmet atynan atalǵan faktiler bir-birimen eshqandaı baılanysy joq ekenin habarlaımyz. Jurtshylyqtan jalǵan aqparat taratpaýdy suraımyz», - delingen resmı habarlamada.