Ýst-Lýgadaǵy azamattarymyzǵa esh qaýip joq - SІM

ASTANA. KAZINFORM – Syrtqy ister mınıstriniń birinshi orynbasary Erjan Ashyqbaev Reseıdiń Ýst-Lýga vahtalyq aýylynda Qazaqstan azamattary qatysqan jappaı tóbeleske qatysty pikir bildirdi.

Onyń dereginshe, oqıǵa bolǵan vahtalyq aýylda Qazaqstannyń 4 myńnan astam azamaty bar.

- Olar vahtamen jumys istep, únemi aýysyp otyrady. Óıtkeni, 4 myńnan astam adam bar. Qazaqstan azamattary arasynda medıtsınalyq kómek qajet bolatyndaı zardap shekkenderi joq, - dedi mınıstrdiń birinshi orynbasary Májilistiń jalpy otyrysynan keıin.

Erjan Ashyqbaevtyń málimetinshe, qazirgi ýaqytta 3 azamat tergeýge alynǵan. Tergeýdi Reseıdiń quzyretti organdary júrgizip jatyr. Jalpy, Qazaqstan azamattary shtattyq rejımde jumys istep jatyr.

- Búginde olarǵa eshqandaı qaýip joq. Bul taza turmystyq janjal, kináliler anyqtalý ústinde, - dedi ol.

Esterińizge sala ketsek, 2026 jylǵy 26 naýryzda Lenıngrad oblysynyń Ýst-Lýga vahtalyq aýylynda turmystyq sıpattaǵy oqıǵa bolyp, oǵan Qazaqstan azamattary da qatysqan.