Ýssýrı ózeninen júzip ótken qara aıý týrısterdi shoshytty
ASTANA. QazAqparat - Qara aıý senbi kúni Qytaı men Reseı shekarasyndaǵy Ýsýlıtszıan /Ýssýrı/ ózeninen júzip ótip, Heılýntszıan (Soltústik Shyǵys Qytaı) provıntsııasynyń Jaohe ýezine kirdi, dep habarlady Sınhýa agenttigi.
Ýezdiń shekaralyq komendatýrasynan habarlaǵandaı, 29 tamyzda shamamen saǵat 09:30 Ýsýlıtszıan ózeniniń boıyndaǵy saıabaqta týrıster ózenniń reseılik jaǵynan kelgen qara aıýdy kórgen. Balyqshylar ony qýmaq boldy, alaıda áreketteri nátıjesiz aıaqtaldy.
Jaǵalaýǵa shyqqan aıý týrısterdi shoshytty. Shekara komendatýrasynan habarlaǵandaı, shamasy taǵy ań adamdardan qoryqqandyqtan jaǵajaıdan 50 metr jerde ornalasqan zaýyt ǵımaratyna kirip ketýi múmkin.
Shekarashylar dereý oqıǵa ornyna jetip, jaqyn jerde turatyn adamdardy qaýipsiz jerge shyǵardy.
Salmaǵy 100 keliden asatyn aıý trankvılızatormen uıyqtatylyp, keıin erkindikke jiberildi.
