USS Abraham Lincoln ushaq tasyǵyshy AQSh-qa oraldy
ASTANA. KAZINFORM — 300 kúnnen astam ýaqyt boıy ornalastyrylǵan ushaq tasyǵyshy beısenbi kúni Kalıfornııa shtatynyń San-Dıego qalasyna toqtaýy kerek, sebebi onyń Taıaý Shyǵysta uzaq ýaqyt bolýyna baılanysty qatty synǵa ushyrady, dep habarlaıdy Kazinform agenttiginiń Vashıngtondaǵy menshikti tilshisi NBC News arnasyna silteme jasap.
7500 adamnan turatyn ekıpaj AQSh qorǵanys mınıstri Pıt Hegset eki márte kemeniń qyzmet etý merzimin uzartý týraly buıryq bergennen keıin qıyn jaǵdaıǵa tap bolǵan.
Uzaq ýaqyt júzgen kemeni azyq-túlikpen qamtamasyz etý qıyndaı túsken ári ekıpajdyń rýhy túsip ketken. Áskerı-teńiz kúshteriniń qujattaryna qaraǵanda, segiz áskerı qyzmetshi ózine-ózi qol jumsamaq bolǵan.
San-Dıegodan byltyr qarashada júzip shyqqan USS Abraham Lincoln bastapqy josparǵa saı jazǵa deıin oralýǵa tıis edi. Iranda soǵys bastalǵannan keıin onyń qyzmet merzimi uzartyldy. Keme 286 kún boıy teńizde bolyp, tek qyrkúıektiń basynda ǵana Taıland jaǵalaýynda birneshe kúnge toqtady. Sol kezde ekıpaj músheleriniń otbasylary alpaýyt kemede azyq-túlik qorynyń azaıýyna jáne áskerdiń jaýyngerlik rýhynyń tómendeýine alańdaýshylyq bildirdi.
Buǵan deıin AQSh Taıaý Shyǵysqa taǵy 10 myń áskerı qyzmetshimen birge «USS Theodore Roosevelt» atty úshinshi ushaq tasyǵysh kemesin attandyrǵanyn habarlaǵanbyz.
