US Open: Zańǵar Nurlanuly sensatsııa jasap, úshinshi aınalymǵa shyqty

ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly jasóspirimder arasynda AQSh ashyq chempıonatynda ekinshi jeńisine qol jetkizdi. 

ITF Juniors reıtıngisinde 54-orynda turǵan Zańǵar ekinshi aınalymda álemniń jasóspirimder arasynda 13-raketkasy, Polsha ókili, 18 jastaǵy Alan Vajnymen kezdesti.

Alan Vajny sonymen qatar eresekter arasynda ATP reıtıngisinde 1750-satyda tur. 

Soǵan qaramastan, Zańǵar azýly qarsylasyn 6:4, 6:4 esebimen tize búktirdi. 

Tartysty báseke saǵat jarymnan astam ýaqytqa sozyldy. 

Zańǵar Nurlanuly shırek fınalǵa shyǵý úshin ITF Juniors reıtıngisinde 8-orynda turǵan fınlıandııalyq Oskarı Poldanıýspen talasady.

Eske sala keteıik, budan buryn Jibek Qulambaevanyń bir kúnde eki matchty jeńispen túıindegenin jazǵan edik. 

Sondaı-aq tennısten Devıs kýbogynda Koreıamen matchta Qazaqstan namysyn kimder qorǵaıtyny habarlandy.

Dmıtrıı Popko Italııadaǵy týrnırde jergilikti tennısshini utty.