US Open: Qazaqstandyq tennısshiler qansha tabys tapty

ASTANA. KAZINFORM — Tennısten AQSh chempıonatynda qazaqstandyq oıynshylardyń qansha tabys tapqany belgili boldy.

Atalmysh «Úlken dýlyǵa» jarysynda qazaqstandyq tennısshiler bárin qosqanda, 1 mln 4,250 myń AQSh dollary nemese 484,3 mln teńge syıaqy alady. 

Qazaqstandyqtardyń ishinde 109,7 mln teńgege (jekeleı synnan 215 myń dollar, juptan — 12,5 myń dollar) qol jetkizgen ıÝlııa Pýtıntseva alda tur.

Ol jekeleı synda úshinshi aınalymǵa deıin jetip, ıtalııalyq ıAsmın Paolınıge ese jiberdi — 3:6, 4:6. Juptyq synda kanadalyq Leıla Fernandespen birge alǵashqy aınalymda dodanyń 1-raketkalary, kanadalyq Gabrıela Dabrovskı — jańazelandııalyq Erın Rýtlıfqa jol berdi — 4:6, 2:6.

Aleksandr Shevchenko 73,7 mln teńgemen (jekeleı synda 140 myń, juptan — 12,5 myń dollar) erekshelendi. Ol jekeleı synda bastapqyda germanııalyq Domınık Kepferden (6:3, 7:5, 5:7, 6:2) basym túskenimen, ekinshi aınalymda amerıkalyq Frensıs Tıafodan utyldy.

F.Tıafo osy jarysta jartylaı fınalǵa shyǵyp otyr. A.Shevchenko juptyq synda aýstrııalyq Trıstan-Samýel Vaıssbornmen birge alǵashqy aınalymnan asa almady. 

Іrikteý saıystarynan sátti ótip, alǵashqy aınalymda álemniń 7-raketkasy, Polsha ókili Hýbert Hýrkachtan meseli qaıtqan Tımofeı Skatov 73,3 mln teńgeni (152 myń dollar) oljalaıdy.

Bastapqyda aýstralııalyq Destanı Aıavadan 6:1, 7:6 (7:1) esebimen basym túsip, sosyn jaraqatyna baılanysty týrnırge qatysýdan bas tartqan Elena Rybakınanyń enshisine 67,5 mln teńge (140 myń dollar) tıedi. 

Birinshi kezdesýinde-aq kútpegen jerden qytaılyq Tszıýnchen Shannan (4:6, 6:3, 7:5, 3:6, 4:6) óte almaǵan Aleksandr Býblık nebári 48,2 mln teńgege (100 myń dollar) qol jetkizdi.

Juptyq synda jáne mıkste shırek fınalǵa deıin jetken Anna Danılına 33,2 mln teńgeni (juptyq synnan — 55 myń, mıksten — 13,750 myń dollar) qanaǵat tutty.

Juptyq synda alǵashqy aınalymda súringen Aleksandr Nedovesovtiń tapqany — 6 mln teńge (12,5 myń dollar).

Іrikteý saıysynda ekinshi aınalymǵa deıin jetken Beıbit Juqaev pen Denıs Evseevke 18,3 mln teńge (38 myń dollar) buıyrdy. Іrikteýde alǵashqy básekesinde utylǵan Mıhaıl Kýkýshkın, Dmıtrıı Popko jáne Zarına Dııas 12 mln teńgeden (25 myń dollar) alady.

Qazaqstandyq jasóspirimder Ámir Omarhanov, Danıal Rahmatýllaev, Sonıa Jıenbaeva jáne Asyljan Arystanbekova «Úlken dýlyǵa» týrnırinde óner kórsetkenimen, olarǵa qarjylaı syıaqy berilmeıdi. Tek ITF Juniors reıtıngisinde upaılar qosylady.

Sonıa Jıenbaeva úshinshi aınalymǵa deıin jetkenimen, amerıkalyq Iva ıAkshıchten 1:6, 2:6 esebimen oısyraı utylyp, shırek fınalǵa shyǵa almady. 

Sol sekildi Ámir Omarhanov reseılik Tımofeı Derepaskomen birge juptyq synda ekinshi aınalymda birshama tartysty ótken matchta chehııalyq Denıs Petak — shveıtsarııalyq Flınn Tomastan aılasyn asyra almady — 7:5, 5:7, 10:12. Sóıtip ol da shırek fınaldan tys qaldy.

Qazaqstandyq tennısshiler úshin AQSh chempıonaty osylaı aıaqtaldy.

Eske sala keteıik, budan buryn AQSh ashyq chempıonatynda Anna Danılınanyń jartylaı fınaldan tys qalǵanyn jazǵan bolatynbyz.