US Open: Elena Rybakına úshinshi aınalymǵa joldama aldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına AQSh ashyq chempıonatynyń úshinshi aınalymyna shyqty.
Qazaqstandyq tennısshi ekinshi aınalymda reıtıngide 105-oryndaǵy ıspanııalyq Djessıka Býzas Maneıromen sheberlik baıqasty.
Qarsylastar osyǵan deıin 2024 jyly Aýstralııada ótken United Cup týrnırinde kezdesip, onda Rybakına 6:2, 6:3 esebimen basym túsken edi.
Bul joly bastapqy partııada Elena 3:0 esebimen alǵa ketti. Sodan keıin taǵy bir breıkpen bitirdi — 6:2.
Qazaqstandyq tennısshi ekinshi sette de breık jasaı bildi — 3:1. Biraq matchqa dop qosqanda, óz geımin berip qoıdy — 4:5. Degenmen oıyndy taǵy bir breıkpen túıindedi — 6:4.
Bir saǵat 8 mınýtqa sozylǵan básekede Rybakına 7 eıspen birge 6 breık-poınttyń tórteýin óz esebine jazdy. Ispanııalyq sportshy 2 breık-poınttyń bireýin paıdalandy.
Elena Rybakına tórtinshi aınalymǵa shyǵý úshin álemniń 58-raketkasy, Ýkraına ókili ıÝlııa Starodýbtsevamen talasady. Ol ekinshi aınalymda álemniń 35-raketkasy, grekııalyq Marııa Sakkarıdi kambekpen utyp ketti — 1:6, 7:6 (7:4), 6:2.
E.Rybakınanyń Rolan Garros týrnıriniń ekinshi aınalymynda kútpegen jerden ıÝ.Starodýbtsevadan 6:3, 1:6, 6:7 (4:10) esebimen jeńilip qalǵany belgili. Qazaqstandyq tennısshi sonda ketken eseni qaıtara ala ma, ony aldaǵy match kórsetedi.
Eske sala keteıik, budan buryn AQSh ashyq chempıonatynda ıÝlııa Pýtıntsevanyń Olımpıada chempıonyn qapy qaldyrǵanyn jazǵan edik.
Sondaı-aq Aleksandr Býblık qarsylasyn aıqyn basymdylyqpen jeńdi.
Anna Danılına jyldyń qorytyndy týrnırine joldama aldy.
AQSh ashyq chempıonatynda ıÝlııa Pýtıntseva jarys jolyn aıaqtady.
