US Open: Elena Rybakına shırek fınaldan tys qaldy
ASTANA. KAZINFORM — Qazaqstannyń birinshi, álemniń 10-raketkasy Elena Rybakına AQSh ashyq chempıonatynyń shırek fınalyna shyǵa almady.

Qazaqstandyq tennısshi tórtinshi aınalymda álemniń 60-raketkasy, chehııalyq Marketa Vondroýshovaǵa tap keldi.
E.Rybakına 2022 jyly Ýımbldonda úzdik shyqsa, M.Vondroýshova bir jyldan keıin chempıon atanǵan edi.
Qarsylastar osyǵan deıin ózara eki ret kezdesip, bir-birden jeńiske jetken edi.
Bul joly birinshi partııada chehııalyq sportshy 2:0 esebimen alǵa shyqqanymen, Elena tarazy basyn teńestirdi. Alaıda Vondroýshova taǵy bir breıkke qol jetkizip, óz geımin aldy — 6:4.
Ekinshi sette Rybakına ese qaıyrdy — 7:5.
Úshinshi, sheshýshi sette chehııalyq tennısshi sátti oınady — 6:2.
Bir saǵat 51 mınýtqa sozylǵan básekede Rybakına 5 eıspen birge 6 breık-poınttyń teń jartysyn paıdalandy. Vondroýshova 13 eıs, 5 breıkpen (7 breık-poınt) kózge tústi.
M.Vondroýshova jartylaı fınalǵa shyǵý úshin álemniń 1-raketkasy, belorýssııalyq Arına Sobolenkomen talasady. Ol tórtinshi aınalymda reıtıngide 95-satydaǵy ıspanııalyq Krıstına Býkshany qapy qaldyrdy — 6:1, 6:4.
Eske sala keteıik, budan buryn AQSh ashyq chempıonatynda Aleksandr Býblıktiń álemniń 1-raketkasymen oınaıtynyn jazǵan edik.
Anna Danılına 1/8 fınalǵa joldama aldy.