US Open: Aleksandr Býblık alǵashqy jeńisine qol jetkizdi
ASTANA. KAZINFORM — Qazaqstannyń birinshi, álemniń 16-raketkasy Aleksandr Býblık AQSh ashyq chempıonatynyń ekinshi aınalymyna shyqty.
Jarystyń 15-raketkasy bolyp tirkelgen qazaqstandyq tennısshi bastapqy kezdesýin reıtıngide 253-oryndaǵy amerıkalyq Djeffrı-Djon Výlfpen ótkizdi.
Birinshi sette aldymen Výlf 2:0 esebimen alǵa shyqqanymen, Býblık tarazy basyn teńestirdi. Esep 4:4 bolǵan mezette qazaqstandyq sportshy breık jasap, sosyn óz geımin aldy — 6:4.
Ekinshi partııany Býblık breıkpen bastaǵanymen, Výlf uzatpady — 2:2. Degenmen budan keıin Aleksandr qarsylasyn tyqsyra bildi — 6:2.
Úshinshi sette amerıkalyq tennısshi 4:1 esebimen alǵa ketip, sol basymdylyǵyn saqtap qaldy — 6:3.
Tórtinshi partııada qazaqstandyq sportshy des bergen joq — 6:1.
Eki saǵat 12 mınýtqa sozylǵan báseke barysynda Býblık 18 eıspen birge 8 breık-poınttyń jeteýinde múlt ketken joq. Výlf 4 eıs, 3 breıkpen (8 breık-poınt) shekteldi.
A.Býblık úshinshi aınalymǵa shyǵý úshin álemniń 67-raketkasy, frantsııalyq Adrıan Mannarıno nemese reıtıngide 42-satydaǵy argentınalyq Tıago Agýstın Tıranteniń qaı jeńgenimen talasady.
Ótken jyly AQSh ashyq chempıonatynda A.Býblık tórtinshi aınalymǵa deıin jetip, onda álemniń 1-raketkasy, ıtalııalyq ıAnnık Sınnerge 1:6, 1:6, 1:6 esebimen ese jibergen edi. Bıyl ıA.Sınner atalmysh «Úlken dýlyǵa» týrnırine qatyspaıdy.
Áıelder arasynda Qazaqstannan jekeleı synnan baq synaıtyn Elena Rybakına men ıÝlııa Pýtıntsevanyń básekeleri 1 qyrkúıekke belgilengen. E.Rybakına 17 jastaǵy amerıkalyq Teıa Frodınmen, ıÝ.Pýtıntseva shveıtsarııalyq Belında Benchıchpen oınaıdy.
Eske sala keteıik, budan buryn AQSh ashyq chempıonatynda Aleksandr Shevchenkonyń bes settik matchta jeńilip qalǵanyn jazǵan edik.
