Ýsolka ózeni arqyly ótetin avtojol kópiri ashyldy
ASTANA. QazAqparat - Pavlodar oblysynyń ákimi Bolat Baqaýov Pavlodardaǵy Ýsolka ózeni arqyly ótetin jańa avtomobıl kópirin tekserdi, dep habarlaıdy «QazAqparat» HAA tilshisi.
Búgin Pavlodarda Ýsolka ózeni arqyly ótetin jańa kópir ashyldy. Onyń beriktigin tekserý úshin oblys ákiminiń ózi 20 tonnalyq KamAZ-dyń rýline otyryp, kópirdiń daıyn ekendigin dáleldedi.
Jańa kópirde tórt metrlik bir qozǵalys jolaǵy men eni bir metr bolatyn eki qaýipsizdik jolaǵy bar. Kópirdiń uzyndyǵy - 87,29 metr.
Pavlodar ákimdiginiń baspasóz hatshysy Saltanat Ákimbekova habarlaǵandaı, bul kópir bıýdjet qarjysynan tys aqshaǵa salynǵan.
«Pavlodar qalalyq ákimdigi, «QazAvtoJol» AQ Pavlodar oblystyq bólimshesi, «Pavlodar ózen porty» AQ jáne «Stalmontaj» JShS arasynda Ýsolka ózeninen avtomobıl kópirin salý boıynsha birlesken yntymaqtastyq týraly memorandým jasaldy», - dep málimdedi ol.
