Ýsolka ózeni arqyly ótetin avtokólik kópiriniń uzyndyǵy 80 metr bolmaq - Pavlodar
ASTANA. QazAqparat - Ýsolka ózeni arqyly ótetin uzyndyǵy 80 metr, eni alty metr avtokólik kópiri baǵana arqyly turǵyzylady.
Bul týraly qurylys ýchaskesinde bolǵan Pavlodar oblysynyń ákimi Bolat Baqaýovqa qurylysshylar málim etti, dep habarlaıdy pavlodarnews.kz .
Qazirgi tańda nysanda úıindi kóterilýde. «Pavlodar ózen kemejaıy» AQ sý ótkizý úshin qosymsha qubyr salyp, qumdy nyǵyzdaýy tıis.
«Stalmontaj» JShS-niń basshysy Aleksandr Terentevtiń aıtýynsha, joba boıynsha nysanǵa asfalt tóseledi. Bolashaq kópirdiń aýmaǵyn kóriktendirý jumystarymen bılik ókilderi aınalysady.
«Osy ýchaskede Maıra kóshesin keńeıtý kerek degen oıdamyn», - deıdi oblys ákimi. - Sebebi kópirge kireberis jol jasaý kerek. Bálkim, avtobýs aıaldamasyn aýystyrý kerek bolar».
Jańa kópir arqyly pavlodarlyqtar Ýsolkanyń qarama-qarsy jaǵasyna júre alady. Sheneýnikter bul aýmaq Kenjekól aýylyna qaraı Ertis ózeniniń jaǵasyndaǵy ýchaske sııaqty oblys turǵyndary men qonaqtary úshin jańa demalys ornyna aınalady degen úmitte.
Nysandy jyldyń sońyna deıin tapsyrý josparlanyp otyr.
