Ýsman Dembele — fýtboldan 2025 jylǵy «Altyn dop» ıegeri

ASTANA. KAZINFORM — Frantsııa quramasy men «Parı Sen-Jermen» klýbynyń shabýylshysy Ýsman Dembele fýtboldan 2025 jylǵy «Altyn dop» ıegeri boldy.

Bul marapat tórtinshi márte jyl qorytyndysyna emes, fýtbol maýsymynyń nátıjesi boıynsha ótti. Onda 2014 jyldyń 1 tamyzy men 2025 jyldyń 25 shildesi aralyǵyndaǵy fýtbolshylardyń kórsetkishi esepke alyndy.

Oǵan sport jýrnalısteri daýys berdi. Olar 10 sportshyny tańdady. Eń kóp upaı jınaǵan oıynshy «Altyn dopqa» qol jetkizedi.

Oǵan basty úmitkerler qatarynda alǵashqy bestikte Djýd Bellıngem, Vırdjıl van Deık, Vınısıýs Jýnıor, Florıan Vırts, Vıtınıa engizildi.

Bıyl 68-shi márte ótkizilgen dástúrli is-shara álemdegi úzdik fýtbolshylardy anyqtaý maqsatynda qolǵa alynǵan. 1956 jyldan beri «France Football» jýrnalynyń qoldaýymen turaqty túrde uıymdastyrylyp keledi.

Ereje oıynsha erler men áıelder arasynda «Altyn dop» ıegeri anyqtalyp, 21 jasqa deıingi fýtbolshylar arasynda «Kopa trofeıi», úzdik qaqpashyǵa «ıAshın trofeıi» berildi. Sondaı-aq úzdik erler jáne áıelder komandalary anyqtaldy. Al ótken maýsymdaǵy úzdik surmergenge Gerd Mıýller trofeıi tabystaldy.

Byltyr olardyń qataryna taǵy eki jańa marapat qosyldy. Endi erler jáne áıelder komandalary arasynda úzdik bapkerler esimi belgili boldy. 

Kopa trofeıi: Lamın ıAmal («Barselona», Ispanııa quramasy).

ıAshın trofeıi (erler) — Djanlýıdjı Donnarýmma (Italııa, «Manchester Sıtı»), (áıelder) — Hanna Hempton (Anglııa, «Chelsı»)

Úzdik klýb (erler): «Parı Sen-Jermen» (Frantsııa).

Úzdik klýb (áıelder): «Arsenal» (Anglııa).

Úzdik bapker (erler): Lýıs Enrıke («Parı Sen-Jermen», Frantsııa)

Úzdik bapker (áıelder): Sarına Vıgman (Anglııa quramasy)

Ótken jyly Anglııanyń «Manchester Sıtı» komandasynda oınaıtyn ıspanııalyq Rodrı (Rodrıgo Ernandes) fýtboldan 2024 jylǵy «Altyn dop» ıegeri boldy.