Usqynsyz boıjetkenge dárigerler kómektese almaıtynyn málimdedi (FOTO)
ASTANA. QazAqparat - Aýyr neırofıbromatoz aýrýy Úndistanda turatyn 21 jastaǵy boıjetkenniń túrin adam kórgisiz etti. Tipti isik túıinder kózi men murnyn jaýyp tastaǵan, alaıda naýqas ózin baqytty sezinetinin jasyrmady.
21 jastaǵy Hadııa Hatýn ata-analarymen turady, mektepke barmaǵan. Ol túr-álpetin buzyp turatyn neırofıbromatoz dertine shaldyqqan. Dárigerler esh kómek kórsete almaıtyndaryn málimdegen. Al boıjetkenniń ózi kózi, murny bar ekenin de bilmeıdi dese bolady, al aýyzy betiniń sol jaǵynan kishkene tesik bolyp kórinip turady.
Neırofıbromatoz - kúlli denege qatersiz isik bolyp jaıylatyn genetıkalyq ózgeristerdiń jalpy ataýy. Іsik túıinder ár túrli tinder men organdarda shoǵyrlanady, ásirese bet, moıyn qatty ózgeredi. Bet-álpetiniń usqynsyzdyǵyna qaramastan, ol ózin baqytty sezinedi.
«Meniń jaratylysym osy. Ol qandaı bolsa, solaı qabyldaımyn, dedi boıjetken, - qolymnan kelgendi ǵana jasaı alamyn. Bul - meniń taǵdyrym. Másele muny qalaı eńserýde nemese tózýde emes, men qalypty ómir súrip júrmin».
Ata-analary alǵash ret qyzy eki aılyǵynda kózin asha almaǵan kezde túsiniksiz bir jaıtty baıqaǵan. Osydan keıin qyz bala 6 aı aýrýhanada jatyp, tekserýden ótken. Oǵan neırofıbromatoz dıagnozyn qoıdy. Ýaqyt óte kele aýrý órshı tústi, dárigerler keleshegi jaıly dóp basyp eshteńe aıta almaı otyr, dep jazady sheteldik BAQ.
