Úskirik aıazda almatylyqtar saǵatyna 33,3 mln kVt elektr energııasyn tutynǵan
ALMATY. QazAqparat - Úskirik aıaz bolǵan kúnderi almatylyqtar bir táýlikte 33,3 mln kVt/saǵ elektr energııasyn tutynǵan, dep habarlaıdy QazAqparat tilshisi.
«Samuryq Energo» kompanııasynyń baspasóz qyzmetiniń habarlaýynsha, 26 qańtarda Almaty boıynsha elektr stansalary maksımaldy kórsetkish - 1550 MVt elektr energııasyn óndirdi. Onyń 960 MVt-y «Almaty elektr stansalarynyń» enshisinde.
«Qalada táliktik tutyný kórsetkishi saǵatyna 33,3 mln KVt-qa jetti. Barlyq lokaldy energııa kózderi maksımaldy júktememen jumys jasady. 2013 jyldan beri Almatydaǵy elektr energııasyn tutyný 12 %-ǵa artqan. 5 jyl buryn jylyna 5,8 mlrd KVt/saǵ bolsa, byltyr 6,5 mlrd kVt/ saǵatqa jetti. Jyl saıyn tutyný kórsetkishiniń artýyna baılanysty aımaqta jańa energııa óndirý stansalaryn salý qajettiligi arta túsedi», - dedi «Samuryq-Energo» baspasóz qyzmetinen.
«Almaty Elektr stansalary» AQ málimetine súıensek, jyl basynan beri elektr energııasynyń óndirisi 17 %-ǵa ósken.
Otyn qoımalarynda 300 myń tonna kómir saqtalǵan. Bul qor normasynan 70%-ǵa artyq.
Qazir qalanyń energoqyzmetiniń basshylary men apatty brıgadalar, «Alataý jaryq kompanııasy» AQ 92 brıgadasy men 256 mamany kúndiz-túni kezekshilik etip otyr.
Sonyń arqasynda Orbıta shaǵyn aýdanyndaǵy tótenshe jaǵdaı 1-2 saǵattyń ishine qalpyna keltirilgen bolatyn.
