Úskirik aıaz saldarynan astanalyqtar bir táýlik sýsyz qaldy
ASTANA. QazAqparat - Elordada birneshe úıdiń turǵyndary úskirik aıaz saldarynan sýsyz qaldy, bir táýlik ótken soń sý qaıta berile bastady, dep habarlaıdy QazAqparat.
18 qarasha kúni tańǵy 7-de «Respýblıka, 27» mekenjaıyndaǵy 1976 jyly salynǵan «Astana Sý arnasy» MKK sý qubyry jaryldy.
«Birden apattyq-qalpyna keltirý brıgadasy qoıyldy. Apattyń sebebi anyqtalǵan soń Respýblıka 27, 29, 26; Aýezov 10 ( «Rahat» monsha kesheni) mekenjaılaryndaǵy úılerdiń sýy toqtatyldy. Apat sebebi - qum qabatynyń qatty qatýy sebepti qozǵalýy, qatý qalyńdyǵy - 1 metr», - dep jazdy qala basshysy Áset Isekeshev Feısbýktaǵy paraqshasynda.
Ákimdiktiń habarlaýynsha, sý búgin 15:15-te qaıta berile bastady.
