Úsik júredi: Qazaqstannyń birneshe óńirinde daýyldy eskertý jarııalandy

ASTANA. KAZINFORM – «Qazgıdromet» RMK elimizdiń birneshe óńirinde aýa raıyna baılanysty daýyldy eskertý jarııalady. 

Sınoptıkterdiń habarlaýynsha, úsh aımaqta kún kúrt sýytyp, túnde úsik júredi, al keıbir óńirde naızaǵaı oınap, qatty jel turady. 

Qaraǵandy oblysynyń batysynda, soltústiginde keı ýaqyttarda qatty jańbyr jaýady, burshaq túsip, jasyn oınaıdy. Kúndiz oblystyń soltústiginde, shyǵysynda da naızaǵaı jarqyldaıdy, sondaı-aq túnde jáne tańerteń oblystyń batysynda, soltústiginde, shyǵysynda tuman bolýy yqtımal. Oblystyń soltústiginde, ońtústiginde, shyǵysynda soltústik-batystan, soltústikten jel soǵady, ekpini - 15-20 m/s. Qaraǵandyda túnde jáne tańerteń naızaǵaı oınap, tuman túsedi dep kútiledi. Soltústik-batystan, soltústikten jel soǵady, túndegi ekpini - 15 m/s.

Ulytaý oblysynyń soltústiginde, shyǵysynda, ortalyǵynda naızaǵaı oınaıdy, túnde jáne tańerteń oblystyń batysynda, soltústiginde, ortalyǵynda tuman bolady dep kútilip otyr. Jezqazǵanda da túnde jáne tańerteń naızaǵaı oınap, tuman túsedi. 

Almaty oblysynyń ońtústiginde, taýly aýdandarynda keı ýaqytta qatty jańbyr jaýady, burshaq túsedi, daýyl turady dep kútiledi. Kúndiz oblystyń ońtústiginde, taýly aýdandarynda naızaǵaı oınaıdy. Oblystyń ońtústik jartysynda batystan jel soǵady, ekpini 15-20 m/s, keı tusta 24-29 m/s deıin jetedi. Almatyda tańerteń qatty jańbyr jaýady, naızaǵaı oınap, burshaq túsedi, daýyl turady dep kútiledi. Batystan soqqan jeldiń ekpini - 15-20 m/s. Qonaevta keı ýaqytta naızaǵaı oınap, shańdy daýyl turady, batystan jel soǵady, ekpini 15-20 m/s, keı tusta 25 m/s deıin jetedi. 

Jetisý oblysynyń Alakól kólderi aýdanynda kúndiz ońtústik-batystan jel soǵady, ekpini keı tusta 30 m/s deıin jetedi. Oblystyń taýly aýdandarynda qatty jańbyr jaýady, oblystyń ońtústiginde, shyǵysynda, ortalyǵynda, taýly aýdandarynda naızaǵaı oınap, kúndiz burshaq túsedi. Oblystyń soltústik bóliginde ońtústik-batystan jel soǵady, ekpini 15-20 m/s, keı tusta 23-28 m/s deıin jetedi. Taldyqorǵanda naızaǵaı oınap, ońtústik-batystan jel soǵady, ekpini - 15-20 m/s.

Qostanaı oblysynyń batysynda, soltústiginde naızaǵaı oınaıdy, oblystyń batysynda, soltústiginde ońtústik-batystan soqqan jeldiń ekpini 15-20 m/s quraıdy. Túnde jáne tańerteń oblystyń ońtústiginde tuman bolady. Túnde oblystyń batysynda 1 gradýs aıaz bolyp, úsik júredi dep kútiledi.

Shyǵys Qazaqstan oblysynda jańbyr jaýyp, naızaǵaı oınaıdy, burshaq túsedi dep kútiledi. Oblystyń soltústiginde, shyǵysynda, ortalyǵynda ońtústik-shyǵystan soqqan jeldiń ekpini 15-20 m/s, keı tusta 23-28 m/s deıin jetedi. Óskemende kúndiz naızaǵaı oınap, ońtústik-shyǵystan soqqan jeldiń ekpini 15-20 m/s, keı tusta 23 m/s deıin jetedi.

Abaı oblysynyń batysynda, soltústiginde, ortalyǵynda, kúndiz oblystyń soltústiginde, ońtústiginde, ortalyǵynda naızaǵaı oınap, burshaq túsedi dep kútiledi. Oblystyń soltústiginde, batysynda, ońtústiginde, ortalyǵynda soltústik-shyǵystan soqqan jeldiń ekpini 15-20 m/s, keı tusta 23-28 m/s deıin jetedi. Semeıde kúndiz naızaǵaı oınap, soltústik-shyǵystan soqqan jeldiń ekpini 15-20 m/s, keı tusta 23 m/s deıin jetedi.

Pavlodar oblysynda naızaǵaı oınap, oblystyń batysynda, ońtústiginde, shyǵysynda qatty jańbyr jaýady, burshaq túsedi dep kútiledi. Oblystyń batysynda, ońtústiginde, shyǵysynda soltústik-batystan soqqan jeldiń ekpini 15-20 m/s, keı tusta 23 m/s deıin jetedi. Pavlodarda qatty jańbyr jaýady, naızaǵaı oınap, burshaq túsedi dep kútiledi. Soltústik-batystan soqqan jeldiń ekpini 15-20 m/s quraıdy. 

Aqtóbe oblysynyń soltústiginde 2 gradýs aıaz bolyp, úsik júredi dep kútiledi. Aqtóbede túnde 0-2 gradýs aıaz bolyp, úsik júrýi yqtımal.

Mańǵystaý oblysynyń batysynda, ońtústiginde naızaǵaı oınap, túnde jáne tańerteń oblystyń ortalyǵynda tuman bolady dep kútiledi.

Batys Qazaqstan oblysynyń batysynda, soltústiginde tuman bolady. Oralda da túnde jáne tańerteń tuman bolady dep kútiledi.

Túrkistan oblysynyń taýly aýdandarynda naızaǵaı oınap, soltústik-batystan jel soǵady, túnde oblystyń taýly aýdandarynda soqqan jeldiń ekpini 15-20 m/s quraıdy.

Jambyl oblysynyń taýly aýdandarynda qatty jańbyr jaýady, oblystyń ońtústiginde, shyǵysynda, taýly aýdandarynda naızaǵaı oınap, kúndiz burshaq túsedi dep kútiledi. Oblystyń ońtústiginde, taýly aýdandarynda tuman bolady. Oblystyń ońtústik-batysynda, soltústik-shyǵysynda, taýly aýdandarynda soltústik-batystan soqqan jeldiń ekpini 15-20 m/s, túndegi ekpini 23-28 m/s deıin jetedi. Tarazda naızaǵaı oınap, soltústik-batystan jel soǵady, túndegi ekpini - 15-20 m/s.

Aqmola oblysynyń ońtústiginde, shyǵysynda qatty jaýyn-shashyn (jańbyr, qar) bolady dep kútiledi. Túnde jáne tańerteń oblystyń batysynda, soltústiginde, shyǵysynda tuman túsedi dep kútiledi. Oblystyń batysynda, ońtústiginde, shyǵysynda soltústik-batystan, batystan jel soǵady, ekpini - 15-20 m/s. Túnde oblystyń batysynda 3 gradýs aıaz bolyp, úsik júredi dep kútiledi.

Soltústik Qazaqstan oblysynda soltústik-batystan, batystan jel soǵady, kúndizgi ekpini - 15-20 m/s. Túnde oblystyń batysynda 2 gradýs aıaz bolyp, úsik júredi dep kútiledi.

Buǵan deıin Qazaqstannyń 14 oblysynda jáne elordada daýyldy eskertý jarııalanǵanyn habarlaǵan edik.