Úsik júredi: Qazaqstannyń barlyq óńirinde daýyldy eskertý jarııalandy
ASTANA. KAZINFORM — Qazaqstannyń barlyq aýmaǵynda 3 mamyrǵa arnalǵan daýyldy eskertý jarııalandy. Bul týraly «Qazgıdromet» RMK baspasóz qyzmeti málim etti.
3 mamyrda Aqmola oblysynyń soltústigi men shyǵysynda tuman kútiledi. Túnde oblystyń batysynda 2 gradýsqa deıin aıaz bolýy múmkin.
Túrkistan oblysynyń batysynda, soltústiginde, ońtústiginde, taýly jáne taý bókterindegi aýdandarynda jańbyr, naızaǵaı, shkval kútiledi, al taýly jáne taý bókterindegi aýmaqtarda qatty jańbyr, burshaq bolýy yqtımal. Jel soltústik-batystan soltústik-shyǵysqa aýysady, oblystyń batysy, soltústigi, ońtústigi jáne taýly aımaqtarynda ekpini 15–20 m/s deıin jetedi. Oblystyń soltústiginde joǵary órt qaýpi saqtalady.
Almaty oblysynyń taýly jáne taý bókterindegi aýdandarynda qatty jańbyr, burshaq jáne shkval kútiledi. Kúndiz oblystyń batysynda, ońtústiginde jáne taýly aımaqtarynda naızaǵaı bolady. Jel batystan soǵady, kúndiz oblystyń batysynda, shyǵysynda, ońtústiginde jáne taýly aýdandarda ekpini 15–20 m/s, keı jerlerde 25 m/s-qa deıin kúsheıedi.
Atyraý oblysynyń batysy men soltústiginde jańbyr jáne naızaǵaı kútiledi. Jel ońtústik-shyǵystan soǵady, ońtústiginde ekpini 15–20 m/s deıin jetedi.
Aqtóbe oblysynyń batysy men soltústiginde azdaǵan jańbyr jáne naızaǵaı kútiledi. Jel soltústik-shyǵystan ońtústikke aýysady, kúndiz soltústigi men ortalyǵynda ekpini 15–18 m/s bolady. Oblystyń ońtústiginde joǵary órt qaýpi saqtalady.
Soltústik Qazaqstan oblysynda jel kúsheıedi: túnde batysynda 15–20 m/s, kúndiz 15–20 m/s deıin jetedi. Túnde batysynda 1 gradýsqa deıin aıaz bolady. Batysynda joǵary órt qaýpi saqtalady.
Abaı oblysynda Aıagóz aýdanynda soltústik-shyǵystan soǵatyn jeldiń ekpini 15–20 m/s bolady. Oblystyń shyǵysy, ońtústigi jáne ortalyǵynda joǵary órt qaýpi saqtalady.
Jetisý oblysynyń taýly aımaqtarynda jańbyr men naızaǵaı kútiledi. Jel shyǵystan soǵady, oblystyń shyǵysynda ekpini 15–20 m/s deıin jetedi. Batysy men soltústiginde joǵary órt qaýpi, al ońtústik-shyǵysy men ońtústiginde tótenshe órt qaýpi saqtalady.
Ulytaý oblysynyń ońtústiginde jańbyr men naızaǵaı kútiledi. Jel soltústik-shyǵystan soǵady, tańerteń jáne kúndiz ońtústiginde ekpini 15–18 m/s bolady. Oblystyń shyǵysynda joǵary órt qaýpi saqtalady, al ortalyǵynda joǵary órt qaýpi kútiledi.
Batys Qazaqstan oblysynyń batysy, soltústigi jáne shyǵysynda jańbyr men naızaǵaı kútiledi. Túnde jáne tańerteń soltústigi men shyǵysynda tuman bolady. Jel soltústik-shyǵystan soǵady, ekpini 15–20 m/s deıin jetedi.
Qyzylorda oblysynyń shyǵysy men ortalyǵynda jańbyr, naızaǵaı, kúndiz shańdy daýyl jáne shkval kútiledi. Jel soltústik-shyǵystan, shyǵystan soǵady, kúndiz ekpini 15–20 m/s bolady. Oblystyń shyǵysy, ońtústigi jáne ortalyǵynda joǵary órt qaýpi saqtalady.
Qostanaı oblysynyń batysy men soltústiginde azdaǵan jańbyr men naızaǵaı kútiledi. Túnde jáne tańerteń batysy men soltústiginde tuman bolady.
Qaraǵandy oblysynyń ońtústigi men shyǵysynda jańbyr jáne naızaǵaı kútiledi. Jel soltústik jáne soltústik-shyǵystan soǵady, ońtústigi men shyǵysynda ekpini 15–20 m/s bolady. Oblystyń batysy, soltústigi jáne ońtústiginde joǵary órt qaýpi saqtalady.
Pavlodar oblysynyń batysynda túnde 1 gradýsqa deıin aıaz bolady. Oblystyń soltústigi, batysy jáne shyǵysynda joǵary órt qaýpi saqtalady.
Shyǵys Qazaqstan oblysynyń batysynda joǵary órt qaýpi saqtalady.
Jambyl oblysynyń batysynda, soltústik-batysynda, ońtústiginde jáne taýly aımaqtarynda jańbyr, naızaǵaı, burshaq, shkval kútiledi, taýly aımaqtarda qatty jańbyr bolady. Túnde jáne tańerteń taýly aımaqtarda tuman túsedi. Jel soltústik-batystan soǵady, ońtústik-batysy, soltústik-shyǵysy jáne taýly aımaqtarda ekpini 15–20 m/s bolady. Ortalyǵy, batysy jáne soltústiginde joǵary órt qaýpi saqtalady.
Mańǵystaý oblysynyń batysy men ortalyǵynda tuman kútiledi.
Sınoptıkterdiń málimetinshe, aldaǵy úsh kúnde atmosferalyq aǵyndardyń ótýine baılanysty elimizdiń basym bóliginde kún qubylmaly bolatyny habarlandy. Kóp óńirde naızaǵaı oınap, jańbyr jaýady.
