Úsik, jel, jańbyr: Qazaqstannyń 15 óńiriniń turǵyndaryna eskertý jarııalandy
ASTANA. KAZINFORM — 15 mamyr kúni elimizdiń 15 oblysynda aýa raıyna baılanysty eskertý jasaldy, dep habarlaıdy «Qazgıdromet» RMK baspasóz qyzmeti.
Almaty oblysynda soltústik-shyǵystan jel soǵady, kúndiz oblystyń batysy men shyǵysynda ekpini 25 m/s-qa deıin jetedi. Qonaev qalasynda da soltústik-shyǵystan jel kútilip, kúndiz ekpini 18 m/s bolady.
Atyraý oblysynda azdaǵan jańbyr, naızaǵaı boljanady. Oblystyń soltústiginde, ońtústiginde jáne shyǵysynda shańdy daýyl kútiledi. Jel ońtústik-shyǵystan soǵyp, atalǵan aýmaqtarda ekpini 15–20 m/s bolady. Kúndiz aýa temperatýrasy +35 gradýsqa deıin kóteriledi. Oblystyń soltústik-batysynda tótenshe órt qaýpi saqtalady. Atyraý qalasynda túnde azdaǵan jańbyr, naızaǵaı jáne shańdy daýyl kútiledi. Jel ońtústik-shyǵystan soǵyp, ekpini 15–18 m/s bolady.
Aqtóbe oblysynda jel ońtústik-shyǵystan soǵady, kúndiz oblystyń batysy, soltústigi jáne ońtústiginde jel ekpini 15–20 m/s-qa deıin jetedi. Oblystyń ońtústiginde tótenshe órt qaýpi saqtalady. Aqtóbe qalasynda da ońtústik-shyǵystan jel soǵyp, ekpini 15 m/s bolady.
Jetisý oblysynda soltústik-shyǵystan jel soǵady, oblystyń shyǵysynda, ortalyǵynda jáne taýly aımaqtarynda ekpini 15–20 m/s, keı kezderi 23–28 m/s bolady. Túnde taýly aımaqtarda aýa temperatýrasy -1 gradýsqa deıin tómendep, úsik júredi. Oblystyń ońtústik-shyǵysynda tótenshe órt qaýpi saqtalady. Taldyqorǵanda soltústik-shyǵystan jel soǵyp, kúndiz ekpini 15–20 m/s bolady.
Pavlodar oblysynda túnde jáne tańerteń batysynda, soltústiginde tuman túsedi. Túnde oblystyń batysy men soltústiginde -4 gradýsqa deıin úsik kútiledi. Oblystyń batysynda, ońtústiginde jáne shyǵysynda joǵary órt qaýpi saqtalady. Pavlodar qalasynda túnde úsik júredi, joǵary órt qaýpi saqtalady.
Shyǵys Qazaqstan oblysynda túnde soltústiginde, shyǵysynda jáne ońtústiginde jańbyr men qar túrinde jaýyn-shashyn kútiledi. Kúndiz batysynda, soltústiginde jáne shyǵysynda jańbyr, naızaǵaı bolady. Túnde jáne tańerteń soltústiginde tuman túsedi. Jel soltústik-batystan, soltústikten soǵyp, oblystyń batysy, soltústigi jáne ońtústiginde ekpini 15–20 m/s bolady. Túnde soltústigi men shyǵysynda -3 gradýsqa deıin úsik kútiledi. Oblystyń ortalyǵynda joǵary órt qaýpi saqtalady. Óskemende kúndiz jańbyr, naızaǵaı bolady, jel ekpini 15–18 m/s.
Abaı oblysynda túnde soltústiginde jańbyr men qar, ońtústiginde jańbyr jáne naızaǵaı kútiledi. Túnde jáne tańerteń soltústiginde tuman bolady. Jel soltústik-batystan soltústik-shyǵysqa aýysyp, soltústiginde, shyǵysynda jáne ortalyǵynda ekpini 15–20 m/s bolady. Túnde batysynda -2 gradýsqa deıin úsik kútiledi. Shyǵysynda joǵary órt qaýpi saqtalady. Semeıde jel soltústik-batystan soltústik-shyǵysqa aýysyp, kúndiz ekpini 15–18 m/s bolady.
Batys Qazaqstan oblysynda jańbyr, naızaǵaı kútiledi. Jel ońtústik-shyǵystan, shyǵystan soǵyp, kúndiz soltústiginde, ońtústiginde jáne shyǵysynda ekpini 15–20 m/s bolady. Oral qalasynda kúndiz jańbyr, naızaǵaı bolady.
Túrkistan oblysynda shańdy daýyl kútiledi. Jel soltústik-shyǵystan soǵyp, batysynda, soltústiginde, taýly jáne taý etegi aımaqtarynda ekpini 15–20 m/s, kúndiz 23 m/s-qa deıin jetedi. Oblystyń batysy men soltústiginde joǵary órt qaýpi saqtalady. Shymkentte soltústik-shyǵystan jel soǵyp, ekpini 15–20 m/s bolady. Túrkistanda kúndiz shańdy daýyl kútiledi.
Mańǵystaý oblysynda batysynda, ońtústiginde, soltústiginde jáne ortalyǵynda jańbyr, naızaǵaı kútiledi. Túnde jáne tańerteń batysynda tuman túsedi. Kúndiz soltústik-shyǵysynda jáne ortalyǵynda shańdy daýyl bolady. Aqtaýda túnde jáne tańerteń tuman kútiledi.
Aqmola oblysynyń soltústiginde túnde -2 gradýsqa deıin úsik bolady. Ońtústiginde joǵary órt qaýpi saqtalady.
Soltústik Qazaqstan oblysynda kúndiz soltústiginde azdaǵan jańbyr, naızaǵaı kútiledi. Túnde jáne tańerteń batysynda tuman túsedi. Jel ońtústik jáne ońtústik-batystan soǵady, kúndiz oblystyń batysynda, soltústiginde jáne shyǵysynda jel ekpini 15–20 m/s bolady. Túnde oblystyń shyǵysynda 1 gradýsqa deıin úsik kútiledi. Petropavlda kúndiz jańbyr, naızaǵaı bolady.
Ulytaý oblysynda jel shyǵystan soǵyp, soltústiginde, ońtústiginde jáne ortalyǵynda ekpini 15–20 m/s bolady. Óńirde joǵary órt qaýpi saqtalady. Jezqazǵanda da jel kúsheıedi.
Jambyl oblysynda soltústik-shyǵystan jel soǵyp, taýly aımaqtarda ekpini 23–28 m/s bolady. Oblystyń batysynda joǵary órt qaýpi saqtalady. Tarazda da jel kúsheıip, ekpini 15 m/s-qa deıin jetýi yqtımal.
Qaraǵandy oblysynda shyǵystan jel soǵady, tańerteń jáne kúndiz oblystyń ońtústiginde jel ekpini 15–18 m/s bolady. Túnde oblystyń soltústiginde jáne shyǵysynda 2 gradýsqa deıin úsik kútiledi. Oblystyń batysy men soltústiginde joǵary órt qaýpi saqtalady, al ońtústiginde tótenshe órt qaýpi boljanady. Qaraǵandy qalasynda túnde jer betinde 2 gradýsqa deıin úsik kútiledi. Óńirde joǵary órt qaýpi saqtalady.
Buǵan deıin «Qazgıdromet» Astana men Almatyda jáne ortalyq óńirdegi qalalarda aýa sapasy nasharlaıtynyn boljady.
