Úsik, tuman: 3 qarashada qaı óńirlerde aýa raıyna baılanysty eskertý jasaldy
ASTANA. KAZINFORM — 3 qarashada Qazaqstannyń birneshe oblysynda tuman, kóktaıǵaq, úsik jáne qatty jel bolady. Birqatar óńirde joǵary jáne tótenshe órt qaýpi saqtalady.
Atyraý oblysynda, sondaı-aq Atyraý qalasynda tótenshe órt qaýpi saqtalady.
Jetisý oblysynyń taýly aýdandaryn tuman basady. Soltústik-batystan jel soǵyp, Alakól kólderi aýdanynda onyń ekpini 15-20 m/s-qa jetedi. Túnde oblys boıynsha 2-7 gradýs úsik bolady. Óńirde joǵary órt qaýpi, shyǵysynda tótenshe órt qaýpi saqtalady. Taldyqorǵan qalasynda túnde 3-5 gradýs úsik bolady. Qalada joǵary órt qaýpi bar.
Batys Qazaqstan oblysynyń soltústigi men shyǵysyn tuman basady. Oblystyń soltústik-batysynda, batysynda, ońtústiginde jáne shyǵysynda joǵary órt qaýpi saqtalady. Oral qalasynda túnde jáne tańerteń tuman túsedi.
Mańǵystaý oblysynda joǵary órt qaýpi, ortalyǵynda tótenshe órt qaýpi saqtalady. Aqtaý qalasynda joǵary órt qaýpi bar.
Astanada túnde jáne tańerteń tuman túsedi.
Ulytaý oblysynyń batysy men ortalyǵynda tótenshe órt qaýpi saqtalady. Jezqazǵan qalasynda da tótenshe órt qaýpi bar.
Qaraǵandy oblysynyń soltústigi men shyǵysyn tuman basady. Oblystyń batysynda joǵary órt qaýpi saqtalady. Qaraǵandy qalasynda túnde jáne tańerteń tuman túsedi.
Shyǵys Qazaqstan oblysynda jańbyr men qar jaýyp, kóktaıǵaq bolady. Taýly aýdandarda keı ýaqytta qalyń qar túsedi. Kúndiz oblystyń soltústiginde, shyǵysynda jáne ońtústiginde jańbyr men qar jaýyp, kóktaıǵaq bolady. Soltústik pen shyǵysynda tuman túsedi. Batystan, soltústik-batystan soǵatyn jeldiń ekpini oblystyń soltústigi men ońtústiginde 15-20 m/s-qa jetedi.
Almaty oblysynyń taýly aýdandarynda soltústik-shyǵystan jel soǵyp, ekpini 15-20 m/s bolady. Túnde oblystyń soltústiginde 3 gradýs úsik júredi. Oblystyń batysynda, ońtústiginde, shyǵysynda jáne ortalyǵynda joǵary órt qaýpi saqtalady. Almaty men Qonaev qalalarynda da joǵary órt qaýpi bar. Іle Alataýynda (Almaty qalasynyń Medeý jáne Bostandyq aýdandarynyń taýly aımaqtarynda) soltústik-shyǵystan soǵatyn jeldiń ekpini 15-20 m/s-qa jetedi.
Abaı oblysynda jańbyr men qar jaýyp, kóktaıǵaq bolady. Túnde jáne tańerteń oblystyń soltústigi men shyǵysyn tuman basady. Batystan, soltústik-batystan soǵatyn jeldiń ekpini tańerteń jáne kúndiz oblystyń ońtústik-batysynda 15-20 m/s bolady.
Qyzylorda oblysynda 1-6 gradýs úsik júredi. Oblys boıynsha tótenshe órt qaýpi, soltústiginde joǵary órt qaýpi saqtalady. Qyzylorda qalasynda tótenshe órt qaýpi bar.
Túrkistan oblysynyń soltústiginde, batysynda, ortalyǵynda, taýly jáne taý bókterindegi aýdandarynda joǵary órt qaýpi saqtalady. Shymkent pen Túrkistan qalalarynda da joǵary órt qaýpi bar.
Pavlodar oblysynyń batysynda, ońtústiginde jáne ortalyǵynda tuman túsedi. Pavlodar qalasynda da tuman bolady.
Aqtóbe oblysynyń shyǵysyn tuman basady. Oblystyń shyǵysynda, batysynda, ońtústiginde jáne ortalyǵynda tótenshe órt qaýpi saqtalady.
Jambyl oblysynyń taýly aýdandarynda tuman túsedi. Ońtústik-shyǵystan soǵatyn jel soltústik-shyǵysqa aýysady. Taýly aýdandarda jeldiń ekpini 15-20 m/s bolady. Oblystyń soltústiginde, ońtústiginde, batysynda jáne shyǵysynda joǵary órt qaýpi saqtalady. Taraz qalasynda da joǵary órt qaýpi bar.
Soltústik Qazaqstan oblysynyń soltústiginde, shyǵysynda jáne ońtústiginde azdaǵan jańbyr men qar jaýyp, kóktaıǵaq bolady. Oblystyń batysynda, soltústiginde jáne ońtústiginde tuman túsedi. Batystan, ońtústik-batystan soǵatyn jeldiń ekpini kúndiz oblystyń soltústiginde, shyǵysynda jáne ońtústiginde 15-20 m/s-qa jetedi. Petropavl qalasynda túnde jáne tańerteń tuman túsedi. Batystan, ońtústik-batystan soǵatyn jeldiń kúndizgi ekpini 15-20 m/s bolady.
Qostanaı oblysynyń batysynda, ońtústiginde jáne shyǵysynda tuman túsedi. Oblystyń ońtústiginde joǵary órt qaýpi saqtalady.
Aqmola oblysynyń batysynda, soltústiginde jáne shyǵysynda tuman túsedi. Astana men Kókshetaý qalalarynda da túnde jáne tańerteń tuman bolady.
