Úsik, qar: 3 óńirde avtotrassalar jabyq tur
Aýa temperatýrasynyń -4 gradýsqa deıin tómendeýi jáne qardyń joǵarydan uıytqýyna baılanysty Astanadan shyǵatyn avtojol jabyldy. Kazinform bul týraly «109» qyzmetine silteme jasap habarlaıdy.
Málimetke sáıkes, «Astana – Petropavl» respýblıkalyq mańyzy bar avtojoldyń 18-234 shaqyrym aralyǵy, ıaǵnı «Astana – Şýchınsk» ýchaskesi kóliktiń barlyq túri úshin jabyldy.
Eske salaıyq, 22 qazzan kúni saǵat 20.00-den bastap Aqmola oblysyndaǵy «Kókshetaý – Atbasar» trassasynda kóliktiń barlyq túrine qozǵalysqa tyıym salyndy.
Sondaı-aq saǵat 22.00-den «Astana – Kókshetaý» avtojolynda («Astana – Şýchınsk – Kókshetaý») shekteý engizý josparlanyp otyrǵany aıtylǵan bolatyn.
Keıin qar men jol boıynyń kóriný nasharlyǵyna baılanysty «Kókshetaý – Rýzaevka» kúre jolynyń eki ýchaskesi jabyldy: birinshisi – Aqmola óńiriniń shekarasynan Rýzaevka aýylyna deıin (SQO terrıtorııasy), ekinshisi – Kókshetaý qalasynan SQO shekarasyna deıin (Aqmola oblysynyń terrıtorııasy).
Jeksenbi kúni SQO-da alǵashqy qar jaýǵanyn jazǵan edik.
Sınoptıkter, 23 qazanda kún raıynyń buzylýyna baılanysty 17 óńirde eskertý jarııalady.
