Usynylǵan ózgerister Konstıtýtsııanyń basym bóligin qamtıdy – Snejanna Imasheva

ASTANA. KAZINFORM – Konstıtýtsııaǵa usynylyp otyrǵan túzetýler Negizgi zańnyń basym bóligin qamtyp, onyń barlyq bólimine áser etedi. Bul týraly Májilis depýtaty Snejanna Imasheva Konstıtýtsııalyq reformalar jónindegi komıssııanyń besinshi otyrysynda málimdedi.

Osyǵan baılanysty qoǵamnan, saıası partııalardan, qoǵamdyq uıymdar men sarapshylardan túsken usynystar eskerilip, Konstıtýtsııaǵa engiziletin ózgeristerdiń jıyntyq jobasy ázirlengen.

– Konstıtýtsııa preambýlasyn tolyqtaı jańa redaktsııada qabyldaý kózdelip otyr. Onda jańartylǵan preambýlada jalpyulttyq qundylyqtar, memlekettiń mıssııasy, tarıhı sabaqtastyq jáne eldiń damý baǵdarlary kórinis tabady, - deıdi depýtat. 

Sonymen qatar usynylyp otyrǵan joba aıasynda Halyq keńesine jáne Konstıtýtsııaǵa ózgerister men tolyqtyrýlar engizý tártibine qatysty 2 jańa bólim engizilip, taǵy 4 bólimniń ataýy men mazmuny jańartylmaq. Konstıtýtsııalyq qurylymnyń negizderi qaıta qaralyp, prezıdenttik basqarý nysany saqtala otyryp, memlekettik bılikti uıymdastyrýdyń jańa tásilderi usynylady.

Aıta keteıik, Konstıtýtsııalyq reformalar jónindegi komıssııa aldyńǵy otyrysynda bilim men tárbıe júıesiniń zaıyrly sıpatta bolatyny týraly habarlaǵan edik.