Úsik shalǵan kezde qalaı alǵashqy medıtsınalyq kómek kórsetý kerek - maman
NUR-SULTAN. QazAqparat – Mamandar úsik shalǵan kezde alǵashqy medıtsınalyq kómekti qalaı kórsetý kerek ekendigin aıtyp berdi, dep habarlaıdy QazAqparat Sanıtarııalyq-epıdemıologııalyq baqylaý komıtetine silteme jasap.
«Úsik shalý - bul tómen temperatýra áserinen dene tinderiniń zaqymdanýy. Úsik kóbine jalpy deneniń tońýyna qatysty, mysaly deneniń sýyqtan qorǵalmaǵan bólikteri qulaq, muryn, jetkiliksiz qorǵalǵan aıaq-qoldy, ásirese saýsaq men bashpaıǵa zaqym keledi.
Joǵary ylǵaldylyq, aıaz, jel kezinde qozǵalyssyz jaǵdaı sebepshi bolýy múmkin. Zardap shegýshiniń jaǵdaıy mas bolǵan jaǵdaıda tipten qıyndaı túsýi múmkin», delingen habarlamada.
Mamandar aıaz kezindegi qatty tońý, deneniń muzdaǵan bóliginiń shanshýy, sodan keıin jansyzdaný jáne sezgishtiktiń joǵalýy sekildi belgileg muqııat nazar aýdarýdy usynady.
«Eger siz ózińizdi úsik shalsa nemese adamnyń úsigenine kýá bolsańyz, onda birinshi kezekte zardap shegýshini jyly jerge ornalastyrý kerek. Qatyp qalǵan nemese dymqyl kıimdi sheshińiz. Jaraqat alǵan adamdy qarmen nemese shúberekpen súrtpeńiz - bul terini zaqymdaıdy. Alkogol paıdalańbańyz! Úsik shalǵan jerin orańyz. Zardap shegýshige ystyq tátti sýsyn nemese ystyq tamaq berińiz. Mindetti túrde emdeý uıymynyń medıtsınalyq kómegine júginińiz.
Úsik shalǵan jaǵdaıǵa nemquraıdy qaraý sońy múgedektikke nemese qaıǵyly jaǵdaıǵa ákelýi múmkin!», delingen habarlamada.
