Úshjyldyq bıýdjette áleýmettik shyǵystarǵa 36,2 trln teńge kózdelgen
«Bıýdjet jobasyn qaraý barysynda onyń baǵyttary men mazmuny egjeı-tegjeıli talqylandy. Atap aıtqanda, 2023 jylǵa arnalǵan respýblıkalyq bıýdjet túsimderi 17,8 trln teńge somasynda anyqtaldy. Bul rette munaıǵa qatysty emes túsimderdiń úlesi bıylǵy 59,8 paıyzdan 2025 jylǵa qaraı 78,2 paıyzǵa deıin ósýmen kózdelgenin atap ótken jón. Bıýdjet tapshylyǵy 2023 jyly jalpy ishki ónimniń 2,7 paıyzynan 2025 jyly kezeń-kezeńmen 2,5 paıyzǵa deıin tómendeýimen aıqyndalǵan», - dedi ol.
Vıtse-premerdiń dereginshe, bıýdjet shyǵystary kelesi jyly 21 trln teńgeni quraıdy.
«Halyqtyń ál-aýqatyn arttyrý – basty basymdyqtyń biri. Ony bıýdjettiń áleýmettik shyǵystarynyń ósý dınamıkasy kórsetip otyr. Máselen, osy baǵyt boıynsha úshjyldyq kezeńdegi shyǵystar - 36,2 trln teńgeni, onyń ishinde 2023 jyly 10,6 trln teńgeni quraıtyn bolady. Áleýmettik kómekke jáne qamsyzdandyrýǵa 17,6 trln teńge, onyń ishinde kelesi jylǵa 5,2 trln teńge josparlanǵan. Onyń 90 paıyzǵa jýyǵy zeınetaqy, járdemaqy, ataýly áleýmettik kómek, jekelegen sanattaǵy azamattarǵa birjolǵy qarjylaı ótemaqy tóleýge arnalǵan», - dedi vıtse-premer.
Onyń aıtýynsha, densaýlyq saqtaýǵa arnalǵan shyǵystar 2023-2025 jyldary 6,7 trln teńgeni, onyń ishinde kelesi jyly 2,1 trln teńgeni quraıdy. Bilim jáne ǵylymdy damytýǵa bıýdjet jobasynda 11,1 trln teńge, onyń ishinde 2023 jylǵa 3,0 trln teńge kózdelgen.
