Ushýǵa daıyndyq ýaqyty qysqarady: Almaty áýejaıynda arnaıy alań ashyldy

ALMATY. KAZINFORM – Almaty áýejaıy Ortalyq Azııadaǵy alǵashqy arnaıy muzdanýǵa qarsy óńdeý alańy iske qosylǵanyn habarlady.

Áýejaı málimetinshe, bul alań áýe kemelerin qozǵaltqyshtary jumys istep turǵan kúıde óńdeýge múmkindik beredi. Onyń arqasynda ushýǵa daıyndyq ýaqyty aıtarlyqtaı qysqaryp, qys kezindegi jumystyń tıimdiligi artady.

- Muzdanýǵa qarsy óńdeýdi perrondardan arnaıy alańǵa kóshirý áýe kemeleriniń turaq oryndaryndaǵy júktemeni azaıtyp, áýejaıdyń jalpy ótkizý qabiletin arttyrady. Sonymen qatar zamanaýı suıyqtyq jınaý júıesi olardyń qorshaǵan ortaǵa taralýyna jol bermeı, Almaty áýejaıyndaǵy qysqy operatsııalardy jyldam jáne ekoqaýipsiz etedi, - dep habarlady áýe aılaǵy.

Qazirgi kezeńde muzdanýǵa qarsy óńdeý alańynyń birinshi kezeńi paıdalanýǵa berildi, qurylysy tolyǵymen kelesi jyly aıaqtalmaq.

Eske salaıyq, buǵan deıin Almaty áýejaıynda júk perrony men jańa termınal arasy jalǵandy.