Ýshýdan álem chempıonatyna attanatyn QR quramasy jasaqtaldy
ASTANA. QazAqparat -Ýshýdan álem chempıonatynda Qazaqstan namysyn qorǵaıtyn ulttyq qurama jasaqtaldy, dep habarlaıdy QazAqparat.
QR ýshý qaýymdastyǵynan málim etkendeı, úsh kún boıy Astanada elimizdiń túkpir-túkpirinen kelgen 300-ge jýyq sportshy chempıon ataný jáne ýshýdan álem birinshiliginde Qazaqstan atynan óner kórsetý quqyǵy úshin baq talastyrdy.
Atap aıtqanda, ýshý-sandadan Aqtóbe, Qaraǵandy, Jambyl, Mańǵystaý oblystarynyń, sondaı-aq Astana men Almaty qalalarynyń ókilderi jeńimpaz atandy.
Áıelder arasynda Jambyl oblysyndaǵy ýshý mektebiniń tárbıelenýshileri Aıman Qarshyǵa men Dilnaz Salızova, almatylyqtar Aıan Tursyn, Merýert Muhamedjanova, ońtústikqazaqstandyq Balnur Ámirbek bıik tuǵyrdan kórindi.
«Endigide jastarǵa sheberlikterin birden úsh baǵyt boıynsha shyńdaýǵa týra keledi: dene daıarlyǵy, jaýyngerlik qarýdy úırený jáne ishki energetıkany qosa otyryp, tehnıkalyq ádis-tásilderdi meńgerý», - dedi Qazaqstandaǵy QHR elshisiniń keńesshisi Lıý Tszıan Pın.
Eske salaıyq, ýshýdan QR quramasy bıylǵy jyldyń qyrkúıeginde Reseıdiń Qazan qalasynda ótetin álem chempıonatyna attanady.
