Ushý kezinde smartfon qoldanýǵa ruqsat berildi
BRıÝSSELЬ. 10 jeltoqsan. QazAqparat - Búgin Eýropanyń áýe qaýipsizdigi agenttigi (EASA) áýelep ushýdy jáne qonýdy qosa alǵanda, ushýdyń barlyq deńgeıinde smartfondy, planshetter men elektrondy kitaptardy qoldanýǵa ruqsat etip, ushaq bortynda elektrondy qurylǵylardy qoldaný jónindegi óz nusqaýyn jańartty.
Bul týraly Eýrokomıssııa baspasóz qyzmetinen habarlaıdy.
Búgingi kúnnen bastap Eýroodaqta barlyq jolaýshylar ushýdyń barlyq deńgeıinde, sonyń ishinde áýelep ushý jáne qoný kezinde elektronıkany qoldana alady. Osy ýaqytqa deıin mundaı aspaptardy qoldanýǵa ushaqtyń jerde qozǵalýy, áýelep ushýy jáne qonýy kezinde ruqsat etilmegen bolatyn. Sonymen qatar, osy úsh kezeńde noýtbýkti qoldanýǵa burynǵysha tyıym salynady.
Áýe jolaýshylaryna uıaly ǵalamtordy qoldanýǵa múmkindik jasaý kelesi qadam bolýy tıis. Osyǵan baılanysty Eýrokomıssııa borttaǵy habar taratatyn qurylǵylardy qaýipsiz qoldaný máselesin qarastyrýdy jedeldetý týraly EASA-ǵa ótinish tastady. Bortta uıaly ǵalamtordy qoldaný jónindegi nusqaý jaqyn aılarda shyǵarylady dep kútilýde.
