Ushý kestesi ózgerýi múmkin - Astana halyqaralyq áýejaıy
ASTANA. KAZINFORM – Astana halyqaralyq áýejaıy jolaýshylarǵa Jeńistiń 80 jyldyǵyna, sondaı-aq Otan qorǵaýshylar kúnine oraı ótetin áskerı sherýge daıyndyq jáne ony ótkizý kezinde ushý kestesinde ózgerister bolýy múmkin ekenin habarlady.

Quzyrly organdardyń buıryǵyna sáıkes, 2025 jylǵy 22 sáýir men 7 mamyr (qosa alǵanda) aralyǵynda Astana qalasynyń áýe keńistiginde áskerı avıatsııanyń oqý-jattyǵý ushýlaryna baılanysty qysqa merzimdi shekteýler engiziledi.
- Osyǵan baılanysty ushý jáne ushyp kelý kestesine ózgerister engizilýi yqtımal. Áýejaı jolaýshylarǵa ózekti aqparatty avıakompanııalardyń jáne áýejaıdyń resmı resýrstarynan aldyn ala naqtylaýdy usynady.
Ýaqytsha shekteýlerge túsinistikpen qaraýlaryńyzdy jáne yqtımal ózgeristerdi eskere otyryp, saparlaryńyzdy aldyn ala josparlaýdy suraımyz, - dep jazdy vedomstvodan.
Reıster týraly aqparat alý úshin:
Baılanys ortalyǵy: +7 7172-702-999
Resmı saıt: nn-airport.kz.
Aıta keteıik, Zaısan, Katonqaraǵaı, Kendirli demalys aımaqtarynda áýejaı ashylady.