Úshtóbede temirjol ústine asfalt tósegen mekeme jaýapkershilikke tartyldy

TALDYQORǴAN. QazAqparat – Jetisý oblysynyń Úshtóbe qalasynda kómir tıeletin pýnktige aparatyn temirjol ústine asfalt tóselip ketken. Relsterdi jaýyp tastaǵan jol jóndeýshiler jaýapkershilikke tartyldy, dep habarlaıdy QazAqparat tilshisi.

Atalǵan faktini Ákimshilik polıtsııa basqarmasynyń qyzmetkerleri tirkeýge aldy. Anyqtalǵanyndaı, jol jóndeý jumystary kezinde temirjol relsteri asfalt astynda qalǵan.

«Atalǵan ýchaskede jóndeý jumystaryn júrgizgen jol uıymy jaýapkershilikke tartyldy. QR ÁQBtK-niń 631-babynda (Joldarda jumystar júrgizý, joldardy, temirjol ótpelerin jáne basqa da jol qurylysjaılaryn kútip-ustaý jónindegi talaptardy oryndamaý) kózdelgen ákimshilik hattama toltyryldy. Qazirgi kezde temirjol ótpeleri qalpyna keltirildi», - delingen Jetisý oblysy PD baspasóz qyzmetiniń habarlamasynda.