Úshtóbe qalasynda jekemenshik turǵyn úıde bolǵan órtten keıin er adam men áıeldiń máıitteri tabyldy
ASTANA. 4 qazan. QazAqparat - Úshtóbe qalasynda jekemenshik turǵyn úıde bolǵan órtten keıin er adam men áıeldiń máıitteri tabyldy, dep habarlandy QR TJM-niń baspasóz qyzmetinen.
Keshe, sársenbi kúni Úshtóbe qalasynda Komsomolskaıa, 2 kóshesindegi jekemenshik turǵyn úı órtendi. Jalyn sharpyǵan aýmaq 0,5 sharshy metrdi qurady. Órtti sóndirý kezinde 1928 jylǵy zeınetkerdiń jáne 48 jastaǵy áıeldiń máıitteri tabyldy. Tilsiz jaýdy aýyzdyqtaýǵa QR TJM Almaty oblysy boıynsha TJD órtke qarsy qyzmetiniń 3 adamy men 1 tehnıkasy jumyldyryldy.
Sol kúni Atyraý qalasynyń shet aımaǵynda, Jumysker kentinde Rakýshınskaıa, 5/2 meken jaıynda ornalasqan qora órtendi. Jalyn 32 sharshy metr aýmaqqa tarady. Ony aýyzdyqtaý kezinde 55 jastaǵy er adamnyń máıiti tabyldy. Órtti sóndirýge QR TJM Atyraý oblysy boıynsha TJD órtke qarsy qyzmetiniń 8 adamy men 2 tehnıkasy jumyldyryldy.
