Úshinshi altyn: Bıatlonnan Qazaqstan erler quramasy altyn jáne kúmis medal enshiledi

ıABÝLI. KAZINFORM – Bıatlonnan Qazaqstan erler quramasynyń sportshylary Qytaıda ótip jatqan ІH qysqy Azııa oıyndarynda bir altyn jáne bir kúmis medal jeńip aldy.

Erler arasynda bıatlonnan 10 shaqyrym sprınt dodasyna Áset Dúısenov, Vladıslav Kıreev, Vadım Kýrales jáne Aleksandr Mýhın qatysty.

Jarys qorytyndysy boıynsha Vladıslav Kıreev 29 mınýt 47.4 sekýnd nátıje kórsetip, jeńis tuǵyryna kóterildi. Al Vadım Kýrales máre syzyǵyn ekinshi kesip, el qorjynyna kúmis júlde syılady.

Sonymen qatar Áset Dúısenov pen Aleksandr Mýhın márege 6-7 bolyp jetti.

Aıta keteıik, bul — Qazaqstan delegatsııasynyń qysqy Azııa oıyndaryndaǵy úshinshi altyn medali.

Buǵan deıin Sherzod Hashırbaev jáne Roman Ivanov frıstaıl-akrobatıkadan erler arasynda sınhrondy sekirý synynda 97.92 upaı jınap, el qorjynyna ekinshi altyn medal salǵan edi. 

 

Bas seriktes – «Samuryq Qazyna» UÁQ» AQ
Seriktes – Sport Qory sportty qoldaý qory