Úshinshi AES-ti de Qytaı salatyn boldy

ASTANA. KAZINFORM — Premer-mınıstrdiń birinshi orynbasary Roman Sklıar Qazaqstandaǵy úshinshi AES-ti de Qytaı salatynyn málim etti.

— Úshinshi AES-ti Qytaı salady. Qazir bizdegi Atom energetıkasy jónindegi agenttik pen «Qazaqstan atom elektr stantsııalary» JShS mamandary ornalasatyn aýmaǵyn qarap jatyr. Mindetti túrde ol stantsııanyń janynda sýmen qamtıtyndaı jaǵdaı bolý kerek. Ol stantsııadan qaı óńirler energııa alatynyn da aıqyndaǵan jón, — dedi Roman Sklıar.

Sondaı-aq, ol jýrnalıstiń naqtylaý suraǵyna jaýap bere otyryp, úshinshi stansany da ekinshi AES-ti salatyn Qytaı kompanııasy (CNNC kompanııasy — red.) salatynyn rastady.