Ushqysh Aleksandr Anoshkın Elbasynyń qolynan «Erligi úshin» medalin aldy
ASTANA. Jeltoqsannyń 16-sy. QazAqparat - Tikushaq eskadrılıasy avıatsııalyq zvenosynyń ushqysh-operatory, aǵa leıtenant Aleksandr Anoshkın jaýyngerlik jáne qyzmettik boryshyn adal atqarǵany jáne erligi úshin Elbasynyń qolynan «Erligi úshin» medalin aldy.
Bul týraly Qorǵanys mınıstrliginiń baspasóz qyzmetinen habarlady.
Aǵymdaǵy jyly maýsymnyń 17-sinde maıor Asqar Qaramergenovtyń basshylyǵyndaǵy ekıpaj Mı-24 tikushaǵymen ushý jattyǵýyn oryndap jatady. Jerge qonar kezde tikushaq ekıpaj komandıri men bort - tehnık otyrǵan oń jaq bortpen qulap, órtke oranǵan.
Tikushaq qulaǵannan keıin leıtenant Aleksandr Anoshkın jedel qımyldap, áriptesterin janyp jatqan áýe kóliginen alyp shyqqan. 24 jasar ushqysh-operator baısaldylyq pen kásibılik tanytqan.
