«Úshqońyr» áni Máskeýdiń Kreml saraıynda shyrqalady
MÁSKEÝ. QazAqparat - Búgin Reseı astanasyndaǵy Kreml saraıynda qazaqstandyq ánshilerdiń qatysýymen Reseı men Tatarstannyń halyq ártisi Renat Ibragımovtyń mereıtoılyq kontserti ótedi, dep habarlaıdy QazAqparat tilshisi.
Kontsertte Roza Rymbaeva men tanymal ánshi Erjan Nurǵalıev jáne Renat Ibragımov trıosy Elbasy Nursultan Nazarbaevtiń sózine jazylǵan «Úshqońyr» ánin shyrqaıtyny belgili boldy.
Sondaı-aq, «Po morıý jıznı» dep atalatyn avtobıografııalyq kitap jelisiniń negizinde daıyndalǵan merekelik baǵdarlamaǵa áıgili ánshiniń alys jáne shaqyn sheteldegi dostary men áriptesteri qatysady
Olardyń arasynda Aleksandra Pahmýtova, Marat Basharov, Olga Kabo, Evgenıı Voskresenskıı, Roza Rymbaeva, Anatolıı ıArmolenko («Sıabry»), Farýh Zakırov («ıAlla»), Dına Garıpova, Marı Karne, Margarıta Pozoıan, Erjan Nurǵalıev, Ksana Sergıenko, «Tenora HHI veka» ujymy, Kazan World jáne basqa da kóptegen ánshiler bar.
Jýyrda atalǵan kontsertke qatysýshylar erekshe quttyqtaý jasady. Ánshilerdiń barlyǵy qosylyp Renat Ibragımovtyń alǵashqy «Nash gorod» ánin oryndaǵan edi.
Aýqymdy kontsert búgin keshke Kreml saraıynda ótedi. Án keshin Tatarstan Respýblıkasynyń kameralyq hory men RF FQQ Ortalyq shekara ansambli súıemeldeıdi.
