Úshqońyr taýlaryndaǵy iri tabıǵı órt sóndirildi
ASTANA. KAZINFORM — Órt 2 qyrkúıek kúni memlekettik jer qoryna tıesili aýmaqta shyqqan, dep habarlaıdy Almaty oblystyq TJD baspasóz qyzmeti.
2025 jylǵy 2 qyrkúıekte Almaty oblysy Qarasaı aýdanyna qarasty Shamalǵan aýyldyq okrýginiń mańyndaǵy Jandosov aýylynyń taýly aýmaǵynda qurǵaq shóp órtendi.
Órtti sóndirý qıyn jaǵdaıda ótti:
-
Órt taý bókterinde, eńisi 60-80 gradýsqa deıin bolatyn qıyn jer bederinde shyqty;
-
Jeldiń ekpini 15-20 m/s-qa deıin kúsheıip, jaǵdaıdy odan ári kúrdelendirdi.
— Degenmen, Almaty oblysy men Almaty qalasy Tótenshe jaǵdaılar departamenti (TJD) qutqarýshylary jáne jergilikti atqarýshy organdardyń birlesken, úılesimdi áreketteriniń arqasynda órt oqshaýlanyp, tolyqtaı sóndirildi. Qaza tapqandar men zardap shekkender joq, — delingen vedomstvo taratqan aqparatta.
Budan buryn dala órtin sóndirý qaǵıdalaryna ózgerister engizilgenin jazǵanbyz.