Ushqyshsyz apparat shabýylynan soń «Atyraý–Samara» qubyry iske qosyldy — mınıstrlik
ASTANA. KAZINFORM — Energetıka mınıstrligi «Atyraý-Samara» magıstraldyq munaı qubyrynyń jumysyna qatysty túsinikteme berdi.
— 2026 jylǵy 3 qarashadaǵy jaǵdaı boıynsha «Atyraý-Samara» magıstraldyq munaı qubyry arqyly munaı tasymaldaý shtattyq rejımde júzege asyrylyp jatyr. Tehnıkalyq tekserý jumystary aıaqtalǵannan keıin munaı aıdaý qaıta qalpyna keltirildi, — delingen mınıstrlik habarlamasynda.
Eske sala keteıik, 2 qarasha kúni tańerteń Reseı Federatsııasynyń aýmaǵyndaǵy Samara toraby nysandaryna ushqyshsyz ushý apparattarynyń shabýyl jasaýyna baılanysty munaı qabyldaý ýaqytsha toqtatylǵan bolatyn. Oqıǵa saldarynan zardap shekkender joq.
Jaǵdaı QR Energetıka mınıstrliginiń turaqty baqylaýynda.
