Úshinshi synyp oqýshysy Memleket basshysyna ózi jasaǵan jumys ústeli organaızerin syılady

ASTANA. QazAqparat – Úshinshi synyp oqýshysy Sálim Kópeev Memleket basshysy Qasym-Jomart Toqaevqa ózi jasaǵan jumys ústeli organaızerin syıǵa tartty, dep habarlaıdy QazAqparat tilshisi.

«Men kezdesýge de keshigip qaldym, dárethanada bolǵan edim. Mynaý sizge syılyq, ústelge arnalǵan organaızer. Parta ústi únemi mektep zattarymen bylyǵyp jatady. solarǵa alańdap, úlgermeı qalasyń. Ákem ekeýimiz barlyq synypqa arnalǵan osyndaı organaızerdiń jobasyn jasadyq. Ony ózim basyp shyǵardym», - dedi Sálim Kópeev.

Prezıdent jas ónertapqyshtyń syılyǵyn rızashylyqpen qabyldap, oǵan sáttilik tiledi.

«Jaqsy jumys istediń», - degen Qasym-Jomart Toqaev oqýshymen birge estelik sýretke tústi.

Osyǵan deıin Memleket basshysy Qasym-Jomart Toqaevtyń Almatyda ótken jyly ashylǵan Prometheus school mektebine barǵanyn jazdyq.