Úshinshi sessııa barysynda mańyzdy zań jobalary qabyldandy

Úshinshi sessııanyń jumysy barysynda Qazaqstan Respýblıkasy Parlamenti Májilisiniń qorjynyna 125 zań jobasy kelip túsken. Onyń ishinde 114 zań jobasyn Úkimet engizgen bolsa, 11 zań jobasyna depýtattar bastamashy bolǵan. Buǵan qosa, Palatanyń zańnamalyq portfelinde Palatanyń qaraýyna aldyńǵy sessııalardan ótken 29 zań jobasy boldy.

Májilis 108 zań jobasyn maquldady jáne Parlament Senatynyń qaraýyna jiberdi.

Senat qabyldap, Memleket basshysy qol qoıǵannan keıin 78 zań jobasy zań kúshine ıe bolyp, Qazaqstan Respýblıkasynyń quqyqtyq bazasyn tolyqtyrdy.

Quqyqtyq retteý zańnamanyń birneshe salalaryna qatysty boldy. Atap aıtqanda, konstıtýtsııalyq qurylys jáne memlekettik basqarý negizderi týraly zańnama boıynsha keıbir zańnamalyq aktilerge memlekettik organdardyń quzyretin zańnamalyq jáne (nemese) zańǵa táýeldi deńgeıde bekitý máseleleri boıynsha túzetýler engizýdi kózdeıtin, sondaı-aq keıbir zańnamalyq aktilerge eńbek kóshi-qony máseleleri boıynsha ózgerister men tolyqtyrýlar engizý týraly zańdar qabyldandy.

Qarjy zańnamasy salasynda «2014-2016 jyldarǵa arnalǵan respýblıkalyq bıýdjet týraly», «2013-2015 jyldarǵa arnalǵan respýblıkalyq bıýdjet týraly» Zańǵa ózgerister men tolyqtyrýlar engizý týraly», «Qazaqstan Respýblıkasynyń Ulttyq qorynan 2014-2016 jyldarǵa arnalǵan kepildendirilgen transfert týraly» zańdar qabyldandy. Sonymen birge, keıbir zańnamalyq aktilerge ekinshi deńgeıdegi bankterdi qaıta uıymdastyrý máseleleri boıynsha túzetýler engizildi. Qarjylyq (ınvestıtsııalyq) pıramıdalardyń qyzmetine qarsy is-qımyl máseleleri boıynsha zań jetildirildi. «Ońaltý jáne bankrottyq týraly» jáne elimizdiń keıbir zańnamalyq aktilerine ońaltý jáne bankrottyq, salyq salý máseleleri boıynsha túzetý engizýdi qarastyratyn zańdar qabyldanǵan bolatyn.

Al salyq zańnamasy boıynsha «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań qabyldandy.

Áleýmettik salany jetildirý maqsatynda elimizdiń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizýdi kózdeıtin zań qabyldanyp, kúshine endi.

Sondaı-aq ǵylym jáne ınnovatsııa týraly zańnama aıasynda «Innovatsııalyq tehnologııalar parki» ınnovatsııalyq klasteri týraly», «Qazaqstan Respýblıkasynyń keıbir zańnamalyq aktilerine «Innovatsııalyq tehnologııalar parki» ınnovatsııalyq klasteri máseleleri boıynsha ózgerister men tolyqtyrýlar engizý týraly» zańdar qabyldandy.

Sharýashylyq qyzmetti memlekettik retteýdi kózdeıtin «Qazaqstan Respýblıkasynyń keıbir zańnamalyq aktilerine Astanada EKSPO-2017 halyqaralyq mamandandyrylǵan kórmesin uıymdastyrý jáne ótkizý máseleleri boıynsha ózgerister men tolyqtyrýlar engizý týraly», keıbir zańnamalyq aktilerine memlekettik satyp alý máseleleri boıynsha, sol sekildi sáýlet, qala qurylysy jáne qurylys qyzmeti jóninde túzetýler qarastyrylǵan zańdar qabyldanǵanyn aıta ketken jón.

Sonymen birge shuǵyl qabyldaý qajet dep jarııalanǵan «Ruqsattar jáne habarlamalar», «Qazaqstan Respýblıkasynyń keıbir zańnamalyq aktilerine ruqsat berý júıesi máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine ınvestıtsııalyq ahýaldy jetildirý máseleleri boıynsha ózgerister men tolyqtyrýlar engizý týraly» zańdar qabyldandy. Sondaı-aq etıl spırti men alkogol óniminiń óndirilýin jáne aınalymyn memlekettik retteý máseleleri de zańmen aıqyndaldy.

Sot isin júrgizýge qatysty «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań qabyldandy.

Qaýipsizdik jáne qoǵamdyq tártipti saqtaý salasynda birqatar zań jobalary qaralyp, qabyldandy. Atap aıtqanda, elimizdiń keıbir zańnamalyq aktilerine turmystyq zorlyq-zombylyqqa is-qımyl máseleleri boıynsha, sondaı-aq syrtqy barlaý máseleleri boıynsha túzetýler engizilgen zańdar qabyldandy. «Azamattyq qorǵaý týraly», «Qazaqstan Respýblıkasynyń Ákimshilik quqyq buzýshylyq týraly kodeksine ózgeris engizý týraly», «Qazaqstan Respýblıkasynyń ishki ister organdary týraly» zańdar elimizdiń quqyqtyq bazasyn tolyqtyrdy. Úshinshi sessııada «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań da qabyldandy.

Kólik jáne baılanys salasyn damytý maqsatynda «Jol júrisi týraly» jáne soǵan sáıkes ilespe zań qabyldandy.

Halyqaralyq quqyq jáne halyqaralyq qatynastar boıynsha atalǵan kezeńde syrtqy saıası jáne syrtqy ekonomıkalyq sıpattaǵy máselelerdiń keń aıasyn qamtıtyn 38 halyqaralyq kelisim, konventsııa jáne shart ratıfıkatsııalandy. Onyń ishinde Táýelsiz Memleketter Dostastyǵyna qatysýshy memleketter, sol sekildi Ujymdyq qaýipsizdik týraly shart uıymyna múshe memleketter arasynda qol jetkizilgen kelisimder men sharttar bar. Sonymen birge, Qazaqstan men Koreıa, Qazaqstan men Lıýksembýrg uly Gertsogtiginiń Úkimetteri, Qazaqstan men Qytaı, Qazaqstan men Shveıtsarııa Federaldyq Keńesi, Qazaqstan men Vetnam Sotsıalıstik Respýblıkasy Úkimetteri arasyndaǵy kelisimder men sharttar da zańmen bekitildi. Memleketimizdiń Ázerbaıjan, Tájikstan, Túrkııa, Cheh, Reseı, Qyrǵyz, Ózbekstan elderimen jasasqan kelisim-sharttary da osy sessııa barysynda ratıfıkatsııalandy.

Aǵymdaǵy jylǵy 30 maýsymdaǵy málimet boıynsha, Májiliske kelip túsken jáne ótken sessııalardan aýysqan zań jobalaryn qosqanda, Palatanyń qaraýynda 40 zań jobasy bar. Onyń ishinde 10 zań jobasyna Qazaqstan Respýblıkasy Parlamentiniń depýtattary bastamashy bolǵan. 30-y Úkimetten kelip túsken.