Úshinshi sektor uıymdary halyqaralyq donorlarmen baılanysyn kúsheıtpek
dep habarlaıdy QazAqparat.
Otyrystyń ótýine «Jalǵas» úkimettik emes uıymy muryndyq boldy. Jıynda úshinshi sektor uıymdary men birqatar úkimettik uıymdar jáne halyqaralyq uıym ókilderi boldy. Qatysýshylardyń aıtýynsha, sońǵy 3-4 jyl kóleminde halyqaralyq donorlyq uıymdardyń bizdegi táýelsiz uıymdarmen baılanysy kúrt tómendegen, olar tek úkimetpen ǵana jumys isteıdi. Memlekettik áleýmettik tapsyrys óz jumysyn tolyqqandy bitirmeı jatsa, al donorlar úkimettik emes uıymdardyń jobalaryn qoldamaǵan jaǵdaıda kommertsııalyq emes uıymdarǵa ne isteý kerek? Ony sheshýdiń qandaı joldary bar? Dóńgelek ústelde osy máseleler halyqaralyq uıymdar men úkimettik emes uıymdar arasynda keńinen talqylandy. Sonymen qatar, úkimettik emes uıymdardyń talpynysyn qoldaýda jaǵdaıdyń jaqsarýy úshin qandaı sharalar qabyldaý kerektigi jáne ÚEU-dyń donorlar agenttikterimen jumys isteýine keletin kedergiler áńgime boldy.
«Úkimettik emes uıymdarǵa memleketke qaraǵanda donorlarmen jumys isteý áldeqaıda tıimdi. Birinshiden, qarjy kóp bólinse, ekinshiden, is-qaǵazdar, esep berý jumystary úkimettegiden góri az. Biraq, sońǵy ýaqytta halyqaralyq uıymdardyń bizben baılanystary mardymsyz bolyp ketti. Sondyqtan, ózara yqpaldastyqty arttyrýda búgingideı otyrystardyń mańyzy zor», -dedi Almaty qalasy aqparattyq-resýrstyq qoǵamdyq qorynyń dırektory Sáýle Alpysova.
Talqylaý nátıjeleri men baıandamalary boıynsha halyqaralyq uıymdar men memlekettik qurylymdarǵa Qazaqstandaǵy úshinshi sektor ókilderimen naqtyly is júrgizýge usynystar jasaldy.
