Úshinshi myńjyldyqtyń basynan beri baqytty reseılikterdiń sany 3 ese ósti - qoǵamdyq pikir
ASTANA. 7 sáýir. QazAqparat - Búkilreseılik qoǵamdyq pikirdi zertteý ortalyǵy júrgizgen saýaldamanyń málimetteri turmysta dostarymen jáne otbasymen emen-jarqyn aralasyp, qýanyshqa kenelip otyrǵan reseılikter sany ósip otyrǵanyn kórsetti, dep habarlady reseılik «Jańalyqtar» agenttigi.
Zertteýler qorytyndysymen suraý salynǵandardyń 38 paıyzy ózderin baqytty sezinetinin málimdegen, 1999 jyly bul kórsetkish 12 paıyz ǵana bolatyn. Al bul oraıda ózderiniń turmysyna rıza emes adamdar sany 2012 jyldyń naýryzynda 1 paıyz bolǵan, 1999 jyly osyndaı saýalnamada mundaı adamdar 2 paıyz kóleminde bolatyn.
«Respondentterdiń negizi 35 jastan kishi jastar. Sondaı-aq astanadaǵylar men aýyldyq eldi mekendegilerdiń týystarymen qarym-qatynastaryna rıza adamdar dárejesi teń bolyp otyr», - delingen áleýmettanýshylardyń habarlamasynda.
Zertteý ortalyǵynyń atap ótýinshe, azamattyq nekede turǵandardyń 24 paıyzy ózderiniń baqytty ekenin atap kórsetken, al 55 paıyzy otbasylyq qarym-qatynastarynyń qanaǵattanarlyq ekenin aıtqan. Resmı túrde úılengender men nekede turmaıtyndardyń óz ómirlerine qanaǵattaný dárejesi birdeı bolǵan.
Búkilreseılik qoǵamdyq pikirdi zertteý ortalyǵynyń saýaldamasy 31 naýryz ben 1 sáýir kúnderi ótkizilgen. Oǵan Reseıdiń 46 aımaǵynan 1,6 myń adam qatysqan.
