Úshinshi qabattan qulaǵan qyzdy TJM ushaǵy Qytaıdan Reseıge jetkizedi
ASTANA. QazAqparat - Reseı TJM arnaıy medıtsınalyq An-148 ushaǵy Qytaıdyń ıAntaı qalasynda úshinshi qabattan qulap, es-tússiz jatqan reseılik qyzdy alyp keledi.
Bul týraly Reseı TJM habarlady. Qaıǵyly oqıǵa 9 shildede bolǵan. Qyz bala ıAntaı qalasynda (Shandýn provıntsııasy) abaısyzda úshinshi qabattan qulap ketken. Aýyr jaraqattanǵan búldirshinge birneshe ret ota jasaldy. Qazirgi ýaqytta jaǵdaıy asa aýyr jáne es-tússiz jatyr. Ushý barysynda onyń ata-anasynyń janynda TJM Shuǵyl psıhologııalyq kómek ortalyǵynyń psıhologtary bolady. Qyzdy Chıtadaǵy Ólkelik balalar aýrýhanasyna jetkizý josparlanyp otyr.
