Úshinshi eldermen seriktestikti keńeıtý ózekti - Prezıdent

NUR-SULTAN. QazAqparat – Osynaý kúrdeli ýaqytta «úshinshi» eldermen jáne ıntegratsııalyq birlestiktermen seriktestikti keńeıtý men tereńdetýdiń mańyzy artyp otyr. QR Prezıdenti Qasym-Jomart Toqaev Joǵary eýrazııalyq ekonomıkalyq keńestiń otyrysynda osyndaı pikir bildirdi, dep habarlaıdy QazAqparat tilshisi.

«Qazirgideı kúrdeli kezeńde úshinshi eldermen, ıntegratsııalyq birlestiktermen ekonomıkalyq yntymaqtastyqty keńeıtý jáne tereńdetý máselesi ózekti bolyp otyr. Bul jóninde byltyr qazan aıynda ótken Joǵary keńestiń otyrysynda aıttym. Qazaqstan Eýrazııalyq ekonomıkalyq odaq organdaryna tóraǵalyq etken kezde osy baǵyt basymdyq retinde aıqyndaldy, – dedi Qasym-Jomart Toqaev» – dedi Qasym-Jomart Toqaev.

Memleket basshysy byltyr jyl sońynda Shanhaı yntymaqtastyq uıymymen tıisti memorandýmǵa qol qoıylǵanyn eske saldy.

«Ótken jyldyń sońynda Shanhaı yntymaqtastyq uıymymen ózara túsinistik týraly memorandýmǵa qol qoıyldy. Tez arada jumysty qolǵa alyp, naqty jobalar men bastamalardy talqylaýdy bastaý kerek. Búgin biz Indonezııamen erkin saýda týraly kelisimge kelý jóninde kelissózdi bastaımyz. Úndistanmen kelissóz júrgizilip jatyr, Mońǵolııamen kelisim pysyqtalý satysynda», - dedi Prezıdent.

Aıta keteıik, búgin Memleket basshysy Polsha Prezıdentimen telefon arqyly sóılesti.