Úshinshi elderdiń ımportynan túsetin kedendik túsimder Qazaqstan úshin 7,33 paıyzǵa deıin artyp otyr - B.Jámishev
LMATY. Naýryzdyń 27-si. QazAqparat /Ekaterına Ionova/ - Úshinshi elderdiń ımportynan túsetin kedendik túsimdegi Qazaqstannyń úlesi 3,5 paıyzdy quraıdy, biraq Keden odaǵy aıasynda túsimderdi bólý týraly kelisimge sáıkes Qazaqstannyń úlesi 7,33 paıyzǵa deıin ósip otyr.
Bul týraly Qarjy mınıstri Bolat Jámishev elimizdiń úshjaqty Keden odaǵyna kirý máselelerine arnalǵan Almatydaǵy «dóńgelek ústeldiń» basynda málim etti.
Qazaqstannyń is júzindegi úlesin qazirgi kórsetkishten eki eseden astamǵa arttyrýǵa Reseı men Belarýstyń nelikten keliskenine túsinik berip ótken mınıstr, «Reseı men Belarýs, qarapaıym ekonomıkalyq logıkaǵa súıene otyryp, Qazaqstannyń úlesin kóterýge kelisti, ıaǵnı - tarıfterdi kótergen kezde bıýdjet túsimderi de eki esege artady. Bul máselede qandaı da bir saıası astar joq - bul ekonomıkalyq logıkadan týyndap otyrǵan múmkindik», dedi Bolat Jámishev óz sózinde.
«Osydan keıin, Keden odaǵyna qosylýdan bıýdjetke qandaı da bir shyǵynnyń keletini týraly estý nemese oqý ersi másele. Úlesterdi bólisý týraly kelisimnen keıin el bıýdjetine keletin túsimdi biz 61 mıllıard teńgege arttyryp otyrmyz. Bıýdjet týraly zań qazir Elbasynyń qol qoıýynda jatyr», dedi Qarjy mınıstri.
