Úshinshi elderden kelgen zańsyz kóshi-qonǵa qarsy is-qımyl kúsheıe túsedi
ASTANA. 2 maýsym. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Úshinshi memleketterden kelgen zańsyz kóshi-qonǵa qarsy is-qımyl jónindegi yntymaqtastyq týraly kelisimdi ratıfıkatsııalaý týraly» QR zańy qabyldandy.
Atalǵan kelisimge Keden odaǵy Úkimetteriniń basshylary 2010 jylǵy 19 qarashada Sankt-Peterbor qalasynda qol qoıǵan bolatyn. Kelisim taraptardyń úshinshi memleketterden kelgen zańsyz eńbek kóshi-qonyna qarsy is-qımyl jónindegi yntymaqtastyǵynyń negizgi baǵyttary men nysandaryn aıqyndaıdy. Condaı-aq, qujat boıynsha zańsyz kóshi-qonyna qarsy is-qımyldyń negizgi maqsaty men ishki eńbek naryǵyn qorǵaý sharalary kózdeledi. Osyǵan baılanysty, qujat zańsyz kóship-qonýshy eńbekshilerdi anyqtaý men esepke alý, osyndaı zańsyz áreketterdi uıymdastyrýǵa járdemdesetin nemese onymen aınalysatyn arnalar men qurylymdardyń jolyn kesý, kóshi-qon kóleminiń monıtorıngi, zańsyz kelýshilerdi elden shyǵaryp jiberýdiń tetigin jetildirý, sondaı-aq quqyq buzýshylardyń Keden odaǵy elderine kelýin shekteý jónindegi is-sharalardy júrgizýdi qarastyrady.
Taraptardyń yntymaqtastyǵy kóshi-qon máseleleri boıynsha normatıvtik quqyqtyq aktilermen, zańsyz eńbek kóshi-qonyna qarsy is-qımyl máseleleri boıynsha aqparat almasý, osy salada jedel aldyn alý is-sharalaryn júrgizý sekildi nysandarǵa negizdelgen.
