Úshem kútken áıel tórt náresteni dúnıege ákelgen
ASTANA. QazAqparat - Dárigerler 3 bala týady dep josparlaǵan AQSh-tyń Mıssısıpı shtatynyń turǵyny dúnıege 4 náreste ákelgen. Buǵan perzenthana qyzmetkerleri tańdanyp otyr, dep habarlaıdy 24.kz.
Aq halattylardyń aıtýynsha, júkti ana qaralǵan kezde tek 3 bala baıqalǵan. Al tórtinshi perzenttiń kóptegen apparattarmen tekserýler kezinde kórinbeı, kózden qalaısha tasa qalǵanyn mamandar túsindire almaı otyr. Olar mundaı jaǵdaıdyń óte sırek, shamamen 729 myń oqıǵanyń tek bireýinde kezdesetinin aıtady.
Taǵy bir ereksheligi - tórt bóbektiń bir analyq jasýshadan paıda bolýy. ıAǵnı, ósken kezde qyzdar bir-birinen aýmaıtyn bolady. Qazir sábıler aman-esen.
