«Ushatyn mototsıklder»: Almatyda «FMX Jams 2018» frıstaıl-motokrosy ótti
ALMATY. QazAqparat - Almatyda qala kúni qarsańynda ekinshi FMX Jams 2018 frıstaıl-motokrosy ótti, dep habarlaıdy QazAqparat tilshisi.
Eski «Astana» alańynda tústen keıin motorlardyń gúrili estildi. Motokross juldyzdary qala turǵyndary men qonaqtaryn erekshe trıýkterimen tańǵaldyrý úshin alty jyldan keıin Almatyǵa qaıta oraldy.
Trıýkterdi FMX13 reseılik komandasynyń sportshylary oryndady. Olar salmaǵy 100 kelilik mototsıklmen aýada qalyqtap, adam aıtqysyz áreketterimen myńdaǵan kórermenniń kóńilin aýdartty.
FMX13 komandasyn 2007 jyly Alekseı Koleskınok qurǵan. Onyń quramyna ǵajap trıýkter jasaıtyn Anton Smırnov, Alekseı Orehov, Aleksandr Stolırıhın, Roman Mochalkın men Kırıll Gavrılov syndy kásibı atletter kirdi. Kolesnıkovtiń ózi endýrodan Reseı chempıony tıtýlyna ıe jáne WHIP Contest dárejesindegi álem chempıonatynyń IFMXF kezeńderiniń eki márte jeńimpazy atanǵan.
