«Ushatyn kólikter» dáýirine daıyndyq: Jańa qaǵıdalar ázirlendi
ASTANA. KAZINFORM — Elimizde ozyq áýe mobıldiligi qaǵıdalary ázirlendi. Qujat ashyq-normatıvtik aktileri portalynda jarııalandy.
Kólik mınıstrliginiń málimetinshe, qaǵıdalar «Qazaqstan Respýblıkasynyń keıbir zańnamalyq aktilerine tsıfrlandyrý, derbes derekterdi qorǵaý, jol júrisi jáne kóliktegi ozyq tehnologııalardy retteý máseleleri boıynsha ózgerister men tolyqtyrýlar engizý týraly» Zańyn iske asyrý maqsatynda ázirlengen.
Qaǵıdalar ozyq áýe mobıldiliginiń qatysýshylaryn, olardyń qyzmetin uıymdastyrý qaǵıdattary men jalpy talaptaryn aıqyndaıdy.
Qalalyq áýe mobıldiligi paıdalanýshylaryna, vertıport paıdalanýshylaryna jáne tehnıkalyq qyzmet kórsetý jónindegi uıymdarǵa qoıylatyn talaptardy belgileıdi.
Ozyq áýe mobıldiligine jiberilgen áýe kemelerine, olardy paıdalanýǵa jiberý jáne ushýǵa jaramdylyǵyn saqtaý tártibine qoıylatyn talaptardy bekitedi.
Ushýlardy uıymdastyrý jáne oryndaý, áýe keńistigin paıdalaný tártibin naqtylaıdy.
Infraqurylym obektilerine, onyń ishinde vertıporttarǵa, ushyp-qoný alańdaryna jáne zarıadtaý ınfraqurylymyna qoıylatyn talaptardy, ushý qaýipsizdigin basqarý júıesine, avıatsııalyq personaldy daıarlaýǵa jáne onyń biliktiligine qoıylatyn talaptardy belgileıdi.
Aıta keteıik, Qazaqstan Prezıdentiniń Koreıa Respýblıkasyna memlekettik sapary aıasynda Qazaqstanda qalalyq áýe mobıldiligi (UAM), ushqyshsyz avıatsııa jáne tómen bıiktiktegi áýe keńistigin tsıfrlyq basqarý tehnologııalaryn damytý boıynsha jańa ýaǵdalastyqtarǵa qol jetkizildi.
