Úsharalda qarý jáne esirtkimen tórt jigit ustaldy
TALDYQORǴAN. QazAqparat - Almaty oblysynda esirtki jáne qarýy bar jigtter ustaldy.
Almaty oblysy ІІD baspasóz qyzmeti bergen aqparatqa sáıkes polıtsııa 27-36 jas aralyǵyndaǵy 4 er adamdy ustaǵan. Onyń ekeýi qamaýǵa alyndy, ekeýi elden syrtqa shyqpaý týraly qolhatpen bosatyldy.
Kúdiktilerdi 12 tamyzda uıymdasqan qylmyspen kúres bólimsheleri Alakól aýdany Úsharal qalasynda júzege asyrǵan jedel sharasy barysynda ustady.
Ustalǵandar «Toıota-Lend-Krýzer» djıpimen kele jatqan. Tekserý barysynda olardan geroın, gashısh, eki travmatıkalyq tapansha, granata, oq-dáriler tárkilendi. Esirtki mólsheri: 5 gr geroın jáne 15 gr gashısh», - dep habarlady ІІD UQKB bastyǵynyń orynbasary Aıdos Kúzembaev.
Polıtsııa kúdiktilerdiń ekeýi budan buryn birneshe ret esirtkige, qarýǵa baılanysty túrli qylmystar jasaǵany úshin qylmystyq jaýapkershilikke tartylǵanyn atap ótken.
